اے کتاب 1839 ءَ برطانیہ ءِ ءُ بلوچانی میان ءِ جنگ ءِ کِسّہ اِنت۔ اولی رند ءَ وھدے برطانیہ اے سرڈگار ءِ سرا وتی زوراکی ءَ برجا دارگ ءِ اُمیت ءَ کہ کئیت گُڑا آ وتی زورآوریں لشکر ءِ دیم ءَ کاہان ءِ کلات ءَ کنت۔
اے کتاب ءِ تہا یک جاگہے ءَ نبشتہ اِنت کہ وھدے لشکر ءِ چَندیں ماہ ءَ رند ورد ءُ وراک ھتم بنت گڑا چہ سندھ ءَ ایشانی حمایت ءَ برطانیہ ءِ مزنیں لشکرے درکئیت۔ بلے کاہان ءِ کلات ءِ سر بوہگ ءَ پیسر آیانی دیم ءَ بلوچ چو سنگ ءَ دارنت، ءُ جنگ کن اَنت۔ برطانیہ لشکر ءِ نیم مِریت ءُ نیم شِکست ورگ ءَ پد واتریت، ءُ ایشانی جنگی ازباب بزاں ٹوپ ءُ ایندگہ چیز بلوچانی دست ءَ کپنت۔ بلے بلوچ اے ٹوپانی کارمرز ءَ نزانگ ءِ ءُ چہ زورآوریں لشکر ءِ کچ ءُ کساس ءَ سک باز کم بوہگ ءَ ابید ھم کلات ءِ آجوئی ءِ ھاترا شپ تہ روچ وتی جنگ ءَ برجاہ دارنت تہ ھما وھد ءَ برطانیہ کلات ءِ یل کنگ ءِ جار ءَ نہ جنت۔ ءُ انچوش بیت لشکر گُڈی ءَ کلات ءِ یل دیگ ءِ جار ءَ جنت ءُ چدا درکپیت۔
اسل ءَ ھردویں نیمگ ءَ لشکرانی کِرا دو راہ بیت، یکے وَ آ جنگ بکن اَنت، یکے پہ وتی زوراکی دارگ ءِ واستہ ءُ دومی پہ اے زوراکی ءِ سانکلانی سِندگ ءِ ھاترا۔ ءُ دومی راہ یا وَ جنگ بند کنگ بہ بیت۔
اے کتاب چارلیس آر. ویلیم ءَ ترتیب داتگ۔ ویلیم ءِ برات چہ سندھ ءَ آؤ کیں لشکر ءِ تہا گوں بیت ءُ کاہان ءِ جنگ ءَ جَنّگ بیت۔ اے کتاب یک کرنل ءِ ڈائری اِنت کہ آ کاہان ءَ ھمک روچگیں ھالاں وتی ڈائری ءِ تہا نبشتہ کنت۔ ءُ چندیں نمدی ویلیم ءِ برات ئیگ اَنت کہ آئی ءَ وتی مات ءِ سرا دیم داتہ بوتگنت۔
The_Defence_of_Kahun
Baloch Students Action Committee is a Student political organization that aims to work for the betterment of Education in Balochistan and politicizing the youth
