بلوچ اسٹونٹس ایکشن کمیٹی (حب ھنکین) ءِ نیمگءَ چہ گل ءِ سئے ماہی نوشت تاک ءِ دومی اسٹڈی سرکل اڈ دیگ بوتگ۔ بلوچ اسٹونٹس ایکشن کمیٹی (حب ھنکین) ءِ نیمگءَ چہ گل ءِ سئے ماہی نوشت تاک ءِ دومی اسٹڈی سرکل اڈ دیگ بوتگ۔
اے دیوان ءِ بنگپ پروفیسر منظور بلوچ ءِگشتانک
“بلوچءِ دودءُ ربیدگ ءُھستیں جیڑہ”
بوتگ۔اے دیوان ھنکینی کارمستر فراز بلوچ ءِ چیر دستیءَ دارو ہوٹل ،حبءَ برجم دارگ بوتگ .
اے دیوانءِ تہا بساکءِ بنجاہی کمک کماش سنگت شبیر بلوچ ام ساڑی بوتگ.
اے سر ھالءِ سرءَدرستیں سنگتاں گپ ءُ تران کتگ
درْستان چہ پیش ءَ بلوچ ءِراجدپتر ءُدودءُربیدگءِ سرءَ جوانیں وڑے ءَگپ ءُ تران کتگ سنگتاں گشت کہ بلوچ یک راجے ءُ آ بلوچستان ءِ جھمنند انت، آئی ء زمین، راجدپتر،کلچر ءُلبزانکے است انت ۔
ہمے رنگ ءَ بلوچ یک راجے آئی تہا بازیں زبان است انت چشکہ بلوچی ،براہوئی ، کھیترانی ءُ جدگالی انت دیمترءَسنگتاں بلوچ ءِ دودءُ ربیدگ سرءَجوانیں دابےءَ گپ ءُتران کت انچو کہ دودءُربیدگ یک راجےءِتہا ابرمی جوزگ زمین ،زبان ءُ مارشتانی تہا زندگ انت۔دودربیدگ ءِتہا دگہ بازیں چیزانی سرءَ گپءُ تران بوت انچو کہ مٹیریل کلچر ،دستار،پاگ،چوٹ،توپک،بروتءُ دگہ بلوچی پوشاک ،دومی نیمگءَ نن مٹیریل کلچر ،زبان،لٹریچر،رسم و رواج،سازءُزیملءُ ایشاں بلوچ ءِ تہا کوڈ آف کنڈکٹ میار جلّی ،بیر گرگ ،مہمان نوازی ام ہوار انت دیم ترءَ سنگتاں نوکامدیں دور ءِ کارشونانی تران کت کہ چوں یک راجےءِ راجدپتر ،دودمان و دودءُربیدگ ءِھلاس کنگ ءِکوشست بیتگءُبیےچیاکہ نوآبادیاتی فلسفہءِجند ہمیش انت کہ چوں یک راجےءِدودءُربیدگءَھلاس بکنیں چیاکہ آ سرپد انت راجءِپجّار آئی ءِ ربیدگ انت بلئے دگنیائے تہا چشیں راج نیست انت کہ آئیءِ ربیدگ پہک ھلاس کنگ بیتگ۔ دیوان ءِتہا اے ہم گپ کنگ بوتیں کہ بلوچ وتی دودءُربیدگءِروچ بزاں دو مارچ ءِروچءَاڈ بہ دنت یا اناں؟
اے بابتءَلہتیں سنگتانی ہمے گشت کہ دارگ بہ بیت بلئے لہتیں سنگت اے ردءَہمے گشگءَاتنت کہ دودءُربیدگ تہنا یک روچے الّمی نہ انت بائد انت اے مئے زندمان انت وھدے اگاں بلوچے بلوچ مہ بیت گڈا آ ہچ نہ بیت چیاکہ بلوچءِوتی یک پجّارے ءُ ہمے چیزءَبلوچ ، بلوچ جوڑ کتگ اگاں آ وتی اے بنیاتی چیزءَچہ پراموش بہ بیت گڈا آ چو ہما راجانی وڑءَ کہ مرچی وتی یک پجّارے نیست اش ءُ ہر نوکیں اثرے کئیت ہمائی ءِ بہر جوڑ بنت بلوچءِھال اوں ہمے بیت بائد انت بلوچ ہر جاگہءَہر وڑءَہر پیم ءَ بلوچے بہ بیت ءُ یک دودءِربیدگءِرکّینگءِھاترءَمھمکیں رنگےءَجہد بہ کنت ۔دیوانءَ گپ و ترانءِتہا اے گپ بُوت کہ
چاگرد ءِ تہا دودءُربیدگی جیڑھانی سرا گپ کنگ ءُ پدا ھمے جیڑھانی گیِش ءُ گیوار کنگ ءِ ھاتر ءَ جہد کنگ الّم انت ءُ وتی دری کلچر ءَ ہوار اندری کلچر ءِ رکیّنگ الّمی انت گڈا ما اے نازکیں دورءِتہا وتءَچوں زندگ داشت کت کنیں۔
دیوان ءِگڈءَ لہتیں جستءُپسّوانی سرءَگپءُ تران بوت۔
بلوچ اسٹوڈنٹس ایکشن کمیٹی حب ھنکین
Baloch Students Action Committee is a Student political organization that aims to work for the betterment of Education in Balochistan and politicizing the youth
