بلوچ اسٹوڈنٹس ایکشن کمیٹی تربت ھنکین، تربت یونیورسٹی بنزہ ءِیونٹ باڈی دیوان:
آئیشہ بلوچ کارمستر، کریم بخش بلوچ کارگشاد گچین کنگ بوتگ انت۔
رمس 22۔ستمبر۔2021 ءَ بلوچ اسٹوڈنٹس ایکشن کمیٹی “یو او ٹی بنزہ” ءِ یونٹ باڈی دیوان اڈ دیگ بوتگ۔ دیوان ءِ ھاسیں مہمان ھنکینی کارگشاد محمد بلوچ ءُ اھزازی مھمان صغیر بلوچ بوتگ انت۔
دیوان ءَ اے بُن گپانی سرا گپ ءُ گال بوتگ۔
1۔ تنظیمی امور ءُ تجاویز
2۔ میان اُستمان ءُ ھَندی سیاسی جاور حال
3۔ آؤکیں گامگیج
تنظیمی امور سرا گپ ءُ گال ءَ پَد، میان اُستمانی ءُ ھندی سیاسی جاور ھال سرا سنگتان چمشانک دات۔ اے بن گپ سرا ھنکینی سنگت ءَ گپ کنان گُشت کہ مروچی ایں روچاں، سیاسی جاورحال میان اُستمانی بہ بنت یا کہ ھندی چو تَچُو کیں آپ وڈا بدل بُوّان انت۔ اوگانستان ءِجاورانی بدل بوگ چَہ یک ڈیموگرافک (زمینی)بدلی اتکگ، ءُ اے بدلی سوب ءَ بلوچ ءُ بلوچستان ءِسرزمین ھم اثر انداز بیت، چُش کہ افغان مھاجرانی آیگ ءُ بلوچ ءِبازیں دمگانی تہا آباد بُوگ ءُ بلوچ ءِاقلیت تہا بدل بوگ یک مزنیں تاوان ئے کہ اے ڈسکشن ءِبَہر ئے، ءُ ھمے ڈیموگرافک بدلی سوب ءَ منشیات (ڈرگز) ھم تیزی گومہ بلوچستان تہا کئیت ءُ نوجواناں وتی چنگل ءِتہا کنت۔ سنگت ءَ دیمترا گپ کنان گُشت کہ مروچی اے ڈیموگرافک بدلی یک مزنیں جیڈگ ءِ بہر انت بلئے مئے ھندی لہتیں انچیں وتگڈیں سطحی جیڈگ یک دانستانہ دروشمِ ءَ دیما آرگ بوتگ انت ءُ بلوچ نودربراناں سیاسی جیڈگان چہ درکنگ ءِ لہتیں پندل سازگ بوتگ اَنت کہ نودربر سطحی جیڈگانی تہا کارمرز بنت ءُ مزنیں جیڈگ آں چہ دور بہ بنت، اے وڈیں پالیسی ءُ پندلاں مارا سرپد بوگی انت، ءُ سوشل میڈیا وتگڈیں پروپیگنڈا آں سمجھگ الّمی انت ءُ ایشانی چہ گہتر عملی پڈ ءَ وتی نودربر سیاست ءُ راج ءِ سرا جیڑگی اِنت.
سنگت ءَ دیمترا گُشت کہ مئے دمگ ءَ مردماں نودربر سیاست وتی زاتی سیت ءُ نَپ ءِ ھاترا کارمز کتگ ءُ نودربر سیاست ءَ نہ زیبائیں رنگ ءِ دیگ بوتگ۔ مئے سنگتاں وتی ذمہ واری ایمانداری ءِ گوما انجام دیگی انت ءُ پہ بلوچ نودربراں جُھد کَنگی اِنت۔ نودربر سیاست ءَ دارگ ءِ ھاترا وڈ وڈیں پندل سازگ بوگا انت ءُ وڈ وڈیں سطحی مسلاہانی سرا نودربر ءُ نودربر گَلانا دارگ ءِ کوشست کنگ بوگا اِنت۔ اے جیڑھانی پھمگ ءُ گیش ءُ گیوار ءِ ھاترا نودربرانا سیاسی سِنچ بوگ الم انت۔
آؤکیں گامگیج ءَ بنزہ ءِ نوکیں کابینه اڈ کنگ بوت۔ بنزہ کارمستر عائشہ بلوچ، کمک کارمستر مزار بلوچ، کارگشاد کریم بخش بلوچ، کمک کارگشاد عزمہ بلوچ ءُ شنگکار عادل بلوچ گچین کنگ بوت اَنت۔
ھنکینی سنگت ءَ نوک گچین بوتگیں کابینہ سوگند دات، نوکیں کابینہ ءَ جوانیں وڑے ءَ وتی زمہ واریانی پیلو کنگ ءِ کول کت
Baloch Students Action Committee is a Student political organization that aims to work for the betterment of Education in Balochistan and politicizing the youth
