بلوچ اسٹوڈنٹس ایکشن کمیٹی خضدار زون ءِ سئیمی نوشت اسٹڈی سرکل جھلاوان میڈیکل کالج ءَ اڈ دیگ بوت
سرکل ءِ تران کنوک ھنکینی کماش ھیرجان بلوچ اَت۔سرکل ءِ سرھال نادر بلوچ ءِ نبشتانک “تنظیم کاری ٹی سائنسی طریقہ کار نا گرج” اَت۔
سنگت ھیرجان بلوچ ءَ گوں لھتیں بُنیادی جُستاں سرکل ءِ بندات کُت بِہ زاں گل چی یے؟
سیاست چی یے؟ سیاسی گل چی ءَ گُش اَنت؟ نودربر گلانی توک ءَ باسکانی ڈُبّہ چی اَنت؟ سائنسی طریقہ کار چی ءَ گُش اَنت؟
دیمتر ءَ سرھال ءِ سر ءَ تران کنان ءَ سنگت ءَ گُشت کہ ھمے ڈول ءَ سائنس روچ پہ روچ دیم ءَ جُنزگ ءَ اِنت، انسانی زندگی ءَ ارزانی پیدا کنگ ءَ اِنت
انسانی چاگرد ءِ مَٹ بوھگ ءُ ارزانی ءِ ھمراھی ءَ نوکیں جُست ودی کنان اِنت ، پمشکہ انسانی پگر ءُ زانت ءِ تہ ءَ سرپدی ھم گیش بوان اِنت۔
سائنس ءِ شریں رنگے ءَ سرپد بوھگ ءُ آئی ءِ جتا جتائیں تک ءُ پھناتاں سرپد بوھگ گَل ءِ کارانی ھاتر ءَ سوبمندی سَوَب بُوت کنت۔
گَل ءِ عملی کار ھما وھدءَ جوان بنت کہ کارانی تہ ءَ ھُرت چاری بہ بیت۔گَلے ءِ توک ءَ ھرچ وڈیں کارے، مزن یا کسان نہ اِنت، وھدے ھمے کارانی زانگ ءُ پٹ ءُ پُول ءَ رند چار ءُ تپاس بہ بیت۔
یک سیاسی گَلے ءِ باسک ھما وھد ءَ جتا جتائیں جُست چِست کُت کنت داں آ سائنسی کار راھبندانی سر ءَ اِشانی گیشّینگ ءِ جُھد ءَ بہ کَنت۔
دیمتر ءَ تران کنان ءَ سنگت ءَ گُشت کہ ادارہ ھما کچ ءَ مھکم بنت سیاسی گَل ءِ مھکمی ءِ کچ ھما بیت۔ مرچی گَل ءِ دار ءُ مدار گوں ادارھاں بندوک اِنت۔
گَل وتی باسکاں ھر وھد ءَ وھد ءِ لوٹ ءِ پَد ءَ جتا جتائیں تَلّوانی سرا آیاں یکجاہ کَنت ءُ آیان بُود ناک کَنگ ءِ جُھد ءَ کَنت۔ گُڈ سرا سنگت ءَ گُشت مروچی دگنیا ءَ انچوش کہ تقریر بازی ءُ تحریر نویسی ءِ رجحان اَست اِنت،پمشکہ سیاسی گَل وتی باسکانی ھاترا ادارانی تہ ءَ ڈسکشن ءِ رواج ءَ برجم بدار اِیت تاکہ سیاسی باسک وتی بوداں بیزان اَنت ءُ وتی جُھد ءُ مقصد ءَ جوانے رنگ ئے ءَ رھادگ بہ بنت ۔
Baloch Students Action Committee is a Student political organization that aims to work for the betterment of Education in Balochistan and politicizing the youth
