بلوچ اسٹوڈنٹس ایکشن کمیٹی تربت ھنکین عطا شاد ڈگری کالج ءِ بنزھی دیوان برجم دارگ بوت
عبدلرحمٰن بلوچ بنزھی کار مستر ءُ زولفقار بلوچ بنزھی کارگُشاد گچین کنگ بوت اَنت
بلوچ اسٹوڈنٹس ایکشن کمیٹی تربت ھنکین عطا شاد ڈگری کالج ءِ بنزھی دیوان برجم دارگ بوت دیوان ءَ ھنکینی کارمستر سعید بلوچ ، ھنکینی کار گُشاد مھمد بلوچ، ھنکینی کُمک کار گشاد حبیب بلوچ ءُ ھنکینی ھالرسانی کار گُشاد ساجد بلوچ گچینی مھمان ساڑی اِت اَنت۔ جتائیں بنگپانی سر ءَ تْران ءَ پد دیوان ءِ گڈی بنگپ “آؤکیں گامگیج” ءِ گچین کاری ءِ بھر ءَ نوکیں بنزھی کابینہ گچین کنگ بوت ءُ نوکیں کابینہ ءَ بنزھی کارمستر عبدلرحمٰن بلوچ ءُ ھنکینی کارگُشاد زُلفقار بلوچ گچین کنگ بوت اَنت۔
بنزھی دیوان ءَ سنگت ءَ عالمی ءُ ھندی سیاسی جاورانی سرا تْران کُت۔ دیمترا سنگتاں نودربر سیاست ءُ تعلیمی ادارھانی تھا نودربرانی اڑ ءُ جنجالانی سرا گپ ءُ تْران کنان ءَ گشت کہ مروچی پہ کزد بلوچ نودربرانءَ چہ سیاست ءِ پڑ ءَ دور کنگ بوگ ءَ اِنت، آئی ءِ راہ ءُ در بند کنگ بوگءَ انت تہنا ھمے ھاتر ءَ کہ نودربر وتی ھکانی بابت ءَ مدام پاد کئیت اِنت آ وانگی ادارہانی بے سوبی ءُ سیائیں کرتوتانی ھلاپءَ گہگیر کنت ءُ توار چست کنت۔
انچش کہ بلوچ اسٹوڈنٹس ایکشن کمیٹی یک سیاسی نودربر گلے ءِ بستار ءَ ھمے جُھد ءُ کوشستاں کنگ ءَ اِنت کہ پہ بلوچ نودربران ءَ یک شریں سیاسی ءُ پگری ماحول ءِ اڑ بہ کنت۔ مرچی ما گندگ ءَ اِنت کہ بلوچ نودربر پہ وتی بُنکّی ھکّانی ھاترا ھچ پیم پد نہ کنزگ ءَ انت ءُ بلوچستان ءِ گیشتر ادارھانی تھا نودربر گل ءِ جاہ دیگ ءَ سوبمند بوتگ اَنت ءُ گل وتی کاراں وھد ءِ ھمراھی ءَ دیما بران اِنت۔ گل ءِ تھا نزوری بوتگ انت ءُ است انت بلے گل ءَ پہ سیاسی ادارھے ءِ بستار ءَ ھرچ وھد ءَ وتی نزوری من اِتگ اَنت ءُ آھانی شر کنگ ءِ ھاترا جُھد کتگ ءُ ھمے مئے گل ءِ سوبمندی اِنت۔ بندات ءَ بگر داں مرچی گل ءِ کارپد پہ نودربرانی تھا سیاسی سنچ ءِ ودی کنگ ءُ نودربراں در راجکاری تاوان دھیں شئے آنی بھر بوگ ءِ جاہ ءَ پگری جھت ءَ سیاست ءَ بھر زورگ ءَ سکین دیگ بوتگ دانکہ آ بلوچ سیاست ءَ پگری جھت ءَ دیمروی دات کت بہ کن انت۔
گُڈّی بُن گپ آؤکیں گامگیج ءَ بنزہ ءِ نوکیں کابینہ اڈ دیگ بوت۔ نوکیں کابینہ ءَ بنزھی کار مستر سنگت عبدلرحمٰن بلوچ، کُمک کار مَستر عباس بلوچ، کارگُشاد زُلفقار بلوچ، کُمک کارگُشاد وسیم بلوچ ءُ آلرسانی کار گُشاد بسیر بلوچ گِچین کنگ بوت اَنت.
ھنکینی سنگت ءَ نوک گِچین بوتگیں بُنزھی کابینہ سوگِند دات ءُ سنگتاں وتی زمہ واریانی پورا کنگ ءِ کول کُت.
Baloch Students Action Committee is a Student political organization that aims to work for the betterment of Education in Balochistan and politicizing the youth
