پوسٹ کولونینل بلوچستان نا سرحال آ، حب ھنکین نا پارہ غان سرکل ہس اڈ ہلک۔
4 دسمبر 2021 حب ہنکین نا پارہ غان اسے (Grand study Circle) ہس ھنکینی سرکماش سنگت احسان بلوچ نا سرکماشی ٹی مس ءُ مہمان خاص مرکزی انفارمیشن سیکریٹری سنگت عارف بلوچ ہسک۔
سرحال پوسٹ کالونیل بلوچستان
ہیت گپ کروکا سنگت قدیر بلوچ ہس
قبضہ گیریت انت ہسے؟
ایلو نا زمین ءِ طاغت نا زور ہٹ قوُضہ کنینگ ءِ قبضہ گیریت پارا
قوضہ گیریت 15 میکو صدی ٹی شروع مس انگریز، بلوچستان آ 1839 ٹی قوضہ کرے۔
آغا عبدالکریم نا قبضہ گیریت نا خلاف مزاحمت:
قوضہ گیر نا خلاف بلوچ مزاحمت نا اولیکو خِشت ءِ آغا عبدالکریم تِخا۔
سامراجی طاغت نا خلاف بش مس اودے پدا قران نا زیہ مزکرات کن خوایفر ولہ اودے دھوکہ تسور ءُ جیل کریر بلوچ نا غم غصہ گیشتر مس۔
بلوچستان اسٹیٹ یونین نا جوڑ منینگ ءُ پنینگ۔
بلوچستان اسٹیٹس یونین 1951 ٹی جوڈ مس۔ ولے 1954 ہٹی زورٹ پرغارتہ ءُ بلوچ آتا ٹپ آتا بدتر بے شاغار۔
1958 ٹی میری قلات آ حملہ مس۔ خان گرفتار مس۔ نواب نوروز خان تینا سنگت آتو آوار دا ظلم نا خلاف جہد کرے۔ نوروز خان ء ہم قرآن نا زی فیصلہ کننگ نا بہانہ آ دھوکہ تِسوُر ءُ گرفتار کریر۔
1963 ٹی شیر محمّد مری پراری موومنٹ شروع کرے۔ ہُو پارے کا آرا وخت ہسکا ون یونٹ ختم مفك ءُ بلوچ سرزمین خودمختار مفك نن مزاحمت کریسہ کرون۔ 1969 ٹی یحییٰ بس ون یونٹ ء پرغا۔
1970 آن پد بلوچ قوم ہنا زیا ظلم بتر زیات مس۔ خاص کر بلوچ راج دوست آ تا گوورنمنٹ نا پرغینگ ءُ اوكا پد لس بلوچ مخلوق آ جبر کنینگ۔ دا جبر ہٹی ہزار آتا حساب ہٹی بلوچ آتے جانی و مالی نقصان مس۔ بلوچ نیشنل اسٹ لیڈر آتے ٹی خیر بخش مری، عطاءاللہ مینگل، غونث بخش بزنجو و پین باز آتے گرفتار كرير و سزا تیسرُ۔
21 صدی ٹی بلوچ نا حالت بدل متو بلکے بتر خراب مس۔ خلنگ، پُلنگ، كسفنگ، غیب كنینگ زیات مسر۔ ہندا وخت آتے ٹی بلوچ طالب علم آتا بلوچ قوم نا آسراتی کے بلوُ کردار ہس ہسک۔ نواب اکبر خان بگٹی نا خلینگ آن پد بلوچستان بتر خاخر ہلک۔
داڑان پد کچہاری ٹی CPEC نا بابت گپ ءُ تران منینگ توُن آوار BYC(بلوچ یکجہتی کمیٹی) نا بابت ہم گپ و تران کنینگ آ ءُ کچہاری ہیسر مس۔
Baloch Students Action Committee is a Student political organization that aims to work for the betterment of Education in Balochistan and politicizing the youth
