• Latest
  • Trending

نوشت تاک ءِ ارزشت ءِ سرا چمشانکے ۔

March 1, 2022
بلوچ اسٹوڈنٹس ایکشن کمیٹی حیدر آباد زون کا جنرل باڈی اجلاس منعقداقبال بلوچ زونل صدر، شیراز شکیل جنرل سیکرٹری منتخب

پنجاب یونیورسٹی لاہور کے طالبعلموں پر تشدد اور غازی یونیورسٹی ڈی جی خان کے طالبعلموں کی مسلسل ہراسگی نہایت ہی تشویشناک ہے۔

April 28, 2022
بلوچ تاریخ کی قدیم شخصیات

بلوچ تاریخ کی قدیم شخصیات

April 20, 2022
تنظیم کاری ٹی سائنسی وڑٹ کاریم نا گرج

تنظیم کاری ٹی سائنسی وڑٹ کاریم نا گرج

March 22, 2022
ادب اٹ نظریہ نا  خواست

ادب اٹ نظریہ نا خواست

March 19, 2022
شونداری(ترقی) نا تصور نوآبادیاتی رد اٹ

شونداری(ترقی) نا تصور نوآبادیاتی رد اٹ

March 18, 2022
شرگِداری

شرگِداری

March 11, 2022
گوں گسن کنپانیءَ گُلگدارے

گوں گسن کنپانیءَ گُلگدارے

March 10, 2022
دود ءُ ربیدگ: بے چاڑیءِ سپر

دود ءُ ربیدگ: بے چاڑیءِ سپر

March 8, 2022
میشل فوکو: تاکت ءُزانت

میشل فوکو: تاکت ءُزانت

March 5, 2022
On Ethnicity And History Of Dera Ghazi Khan | Dr Arshad Leghari

On Ethnicity And History Of Dera Ghazi Khan | Dr Arshad Leghari

February 27, 2022
Theorizing Postcolonial Nationalism: A Case of “Domain” Theorizing

Theorizing Postcolonial Nationalism: A Case of “Domain” Theorizing

February 25, 2022
مادیت پرستی و مادیت:  عابد عدید

مادیت پرستی و مادیت: عابد عدید

February 24, 2022
Advertisement
No Result
View All Result
  • HOME
  • EDITORIAL
  • REPORT
  • ARTICLES
    • All
    • BALOCHI
    • BRAVI
    • ENGLISH
    • URDU
    تنظیم کاری ٹی سائنسی وڑٹ کاریم نا گرج

    تنظیم کاری ٹی سائنسی وڑٹ کاریم نا گرج

    ادب اٹ نظریہ نا  خواست

    ادب اٹ نظریہ نا خواست

    شونداری(ترقی) نا تصور نوآبادیاتی رد اٹ

    شونداری(ترقی) نا تصور نوآبادیاتی رد اٹ

    شرگِداری

    شرگِداری

    گوں گسن کنپانیءَ گُلگدارے

    گوں گسن کنپانیءَ گُلگدارے

    دود ءُ ربیدگ: بے چاڑیءِ سپر

    دود ءُ ربیدگ: بے چاڑیءِ سپر

    • URDU
    • ENGLISH
    • BALOCHI
  • STATEMENT
  • BOOK REVIEW
  • INTERVIEW
  • NIVISHT MAGAZINE
  • BOOK
  • GALLERY
  • CONTACT
BALOCHSTUDENTACTIONCOMMITTEE
No Result
View All Result

نوشت تاک ءِ ارزشت ءِ سرا چمشانکے ۔

by bsac_admin
March 1, 2022
in ARTICLES, BALOCHI
0

نوشت تاک ءِ ارزشت ءِ سرا چمشانکے ۔

اعجازبابا (بساک ءِ بنجاھی کمیٹی باسک)

بلوچ اسٹوڈنٹس ایکشن کمیٹی بلوچستان ءِ یک پُرکار ءُ راجی نودربر گلے کہ ناں ایوک ءَ بلوچستان ءَ بلکیں پنجاب ءُ سندھ ءِ جتاجتائیں بلوچ ھلکانی ءُ وانگجاھانی تہ ءَ یک نودربر گلے ءِ بستار ءَ وتی لیکہ ءَ سرکنگ ءِ ھواری ءَ بلوچ ورناھاں راجکاری، زانشتی ءُ پگری سنچ بکشگ ءَ اِنت۔ بساک ءِ اولی ءُ مستریں مکسد بلوچ نودربراں راجکاری ءُ پِگری ھساب ءَ زانتکار کنگ، آھاناں جوانیں وڈے ءَ لیکہ ءِ کِشک ءَ پِرّینگ ءُ بلوچ چاگرد ءِ تہ ءَ آھاناں باسما ءُ راجی راھشونے ءِ دروشم ءَ دیم ءَ آرگ اِنت دانکہ آ بلوچ راجی جیڑہ ءِ ھساب ءَ وتی راج ءِ شرّیں رنگے ءَ جھگیری ءَ کُت بہ کن انت۔

گل ءِ ایماندار ءُ لیکھی سنگتانی جھداں چہ گل ءَ پاکستان ءِ جتاجتائیں وانگجاھانی تہ ءَ بلوچ نودربرانی راجکاری، زانشتی ءُ پگری سنچ ءِ زلورتانی سما کنان ءَ ءُ ھاسکار بلوچ چاگرد ءِ تہ ءَ ھمک پھم ءِ مردماں چہ سیادی داروکیں مردمانی اِلمی ءُ پِگری لوٹانی سرجم کنگ ءِ ھاتر ءَ گل ءَ “نوشت” تاک ءِ نام ءَ راجکاری لبزانک ءِ چاپ کنگ بِنا کت، نوشت تاک اولی رند ءَ 2020 ءَ گوں سوبمندی چاپ کنگ بُوت۔
گل ءِ زمہ واریں سنگتاں وتی جھد برجاہ داران ءَ نوشت ءِ دومی، سئیمی ءُ نُوں چارمی تاک شِنگ کُتگ کہ اِے چہ گل ءِ نیمگ ءَ جوانیں ءُ سوبمندیں گامگیجے۔
نوشت تاک راجکاری لبزانک ءِ ارزشت ءُ لوٹ ءَ سرپد کنائینگ ءُ ھاسکار بلوچ ورناھانی راجکاری ءُ پگری زانت ءِ ھیلکاری ءَ جوانیں گامگیجے۔ گل ءِ تہ ءَ راجکاری لبزانک، راجکاری ادارھانی ھاتر ءَ ٹوھیں ارزشتے دار اِیت- دراھیں مھکمیں ادارھانی بنکی جھد ھمے بیت کہ آوتی باسکاں راجکاری زانت بہ دنت۔ پرچا کہ راجکاری زانت ءُ سرپدی ءَ چہ باسک پُختہ لیکھے ءِ واھند بنت ءُ گل ءِ کاراں گوں جوانیں رنگے ءَ دیم ءَ برگ ءِ جھد کنت۔
گل ءِ نیمگ ءَ چہ چھاپ بوؤکیں سئے ماھی نوشت ءِ ارزشت ءِ سرا اگاں ما چماں شانک بہ دے اِیں تَہ من پھم آں کہ وتی ماتی زبان بلوچی ءُ براھوئی ءِ تہ ءَ راجکاری لبزانک ءِ چاپ کنگ کجام ھم گلے ءِ چہ درستاں مستریں سوبمندی اِنت کہ اِے سوبمندی بساک ءَ باز کم وھد ءِ تہ ءَ وتی نام ءَ کتگ۔ نوشت تاک گل ءِ راھبند، لیکہ ءُ گل ءِ لوٹ ءُ گرزانی درچ ءَ بلوچ راجدوستی لیکہ ءِ سر ءَ جوانیں تاکء۔
منی کم اِلمی ءِ ھساب ءَ نوشت اِے نوکیں دؤر ءِ تہ ءَ پہ بلوچ راج ءِ راجکاری لوٹانی پیلو کنگ ءَ یک سوبمندیں تاکے کہ بلوچ ماتی زبانانی تہ ءَ وھد ءِ سرا شنگ بوان اِنت۔ وتی ماتی زبانانی تہ ءَ اِے پیمیں راجکاری لبزانک ءِ شِنگ کنگ سوبمندیں کاراں چہ یکّے۔ اِے پیمیں بازیں مردم ءُ ادارہ است انت کہ وت ءَ راجدوست گُش انت بلے بساک ءِ وڈ ءَ وتی ماتی زباناں راجکاری لبزانک تاک ءِ شنگ کنگ ءَ آ سوبمند نہ بوتگ اَنت۔ اگاں ما بچار اِیں دگہ زبانانی تہ ءَ بلوچ راجکاری راجدپتر ءُ بلوچ راجدوستی ءِ درگت ءَ انچیں نبشتانک ھم نویسگ بوتگ کہ آ چہ راستی ءَ گِستا انت بلے نوشت تاک ءِ تہ ءَ پٹ ءُ پولی نبشتانک گوں دلیلاں پیش کنگ بوتگ انت کہ اِشانی وانگ ءَ گوں پھمگ بیت کہ اِشانی سرا چونیں جوانیں رنگے ءَ کار کنگ بوتگ۔ نوشت ءِ مستریں شرّی اِش انت کہ اِشی ءِ تہ ءَ وتگڑیں ءُ بے بُنیں نبشتانک نیست بلکیں چارگ ءُ تپاسگ ءَ پد جوانیں ءُ سیت مندیں نبشتانک جاگہ دیگ بوتگ اَنت۔ نوشت ءِ ارزشت چہ اِے گپ ءَ پدّر بیت کہ مروچی بلوچستان ءَ ھوار سرجمیں پاکستان ءِ تہ ءَ بلوچ ورناہ، شائر، نبشتہ کار، راجدوست ءُ چہ زِند ءِ اِے دگہ پڈاں سیادی داروکیں مردم نوشت ءَ یکشلا وانگ ءَ انت ءُ سرپدی زورگ اَنت۔
پرچا کہ نوشت تاک بلوچ راج ءِ راستیں راجدپتر، بلوچ راجکاری ءِ راجدپتر ءُ بلوچ راجدوستی ءِ ارزشت ءُ آئی ءِ راجدپتری پھناتانی سرا گپ کنت۔ اِشی ءَ ھوار نوشت تاک ءِ تہ ءَ راجی جھد ءُ دگنیا ءِ اِے دگہ ایردستیں راجانی لبزانک، پِگری ءُ راجکاری جھد ءُ جتاجتائیں راجکاری لیکھانی سرا جوانیں نبشتانک ھوار انت۔ بلوچ راجدوستی ءُ آئی ءِ راجکاری راجدپتر ءِ سرا نوشت ءِ تہ ءَ بے دروریں نبشتانک دست کپ اِیت۔

بساک گل یک انچیں ادارھے جوڈ بوتگ کہ نہ ایوک ءَ پہ وانگ ءُ زانگی ھکّاں جھد کنگ ءَ اِنت بلکیں وتی راجی زبان ءُ اِے دگہ راجی ذمہ واریاں ھم سرجم کنگ ءِ ھاترا گل ءِ سنگت گام جنان ءَ گندگ بنت۔ گل ءَ اِے وھد ءَ بلوچستان ءِ تہ ءِ درستاں چہ ھژدری تریں ذمہ واری کوپگاں زرتگ انت کہ آھاں گوں سوبمندی ءَ دیم ءَ بران انت۔

نوشت نہ ایوک ءَ بلوچ نودربراں راجکاری زانت دیگ ءِ جھد ءَ اِنت بلکیں بلوچ ءِ راجکاری چاگرد ھم آئی ءَ مٹ کُتگ۔ انوگیں استیں دؤر ءَ بلوچ نو آبادیاتی دؤر ءَ چہ گْوزگ ءَ اِنت کہ اے وھد ءَ بلوچ ورناھانی وتی زبان ءَ چہ زبھر بوگ وتی پجار، دود ءُ ربیدگ ءُ راجدپتر ءَ چہ زبھر بوگ اِنت۔ ھمے وڈ ءَ یک راجے ءِ ماتی زبان ءِ ارزشت ءِ سرا دانا ءُ زانتکارانی گوشگ اِنت کہ “دگنیا ءِ تہ ءَ انسان ءِ جوڈ کتگیں دراھیں کاراں چہ مستریں کار آئی ءِ زبان اِنت” پرچا کہ زبان ایوک ءَ پہ یکّے دومی ءَ گوں ھبر ءُ ھال کنگ، یا کہ وانگ ءُ نبشتہ کنگ ءِ ھاتر ءَ کارمرز نہ بیت بلکیں زبان راجے ءِ پجّار ءُ درستاں چہ مستریں میراس زانگ بیت۔ ھمے زبان ءَ گوں یک راجے ءِ ھیال، لبز ءُ گال، کسہ ءُ داستان، لبزانک ءُ راجدپتر ءُ راجی بامردانی جنگی کسہ ءُ آھانی زند ءُ جاورھال، دود ءُ ربیدگ، دودمان ءُ دراھیناں چہ گیشتر ھما راج ءِ سرڈگار ءُ آئی ءِ سرا جھمنندیں راج ءِ مھر ءُ راجی جذبگ گندگ بنت۔

اِے گپاں چہ زانگ بیت کہ اگاں یک راجے ءَ گار ءُ ھلاس کنگ لوٹ ئے گڑا دراھیناں چہ پیش آئی ءِ زبان ءَ ھلاس بکن ءُ آئی ءِ جاگہ ءَ وتی زبان ءَ دیم ءَ بیار گڑا راج ءِ زبان ءِ ھمرائی ءَ راج ءِ جند ھم گار ءُ بیگواہ بیت۔
ھمے اھد ءَ بلوچ اسٹوڈنٹس ایکشن کمیٹی ءَ وتی راجی ھستی، گل ءِ راھبند ءُ مکسد ءِ ھساب ءَ بلوچ ماتی زبان ءِ ارزشت پھم اتگ ءُ وتی راجکاری لبزانک ءَ را دگہ زبانانی تہ ءَ شنگ کنگ ءِ دود پروشتگ ءُ وتی ماتی زبان ءَ شِنگ کتگ، وتی راجکاری تاک ءَ ماتی زبان ءَ شنگ کنگ یک نوکیں گامگیجے کہ اِیشی ءِ آسر سکّ جوان انت۔ نوشت ءِ چارمی تاک ءِ گوں سوبمندی ءَ چاپ ءُ شِنگ بوگ اِے گپّ ءَ پدّر کنت کہ بلوچ نودربر نوشت تاک ءَ گوں ھُب ءُ دلگوش، وتی راجی زمہ واری ءُ درستاں چہ گیش آھاں ماتی زبان ءِ ارزشت پھمان ءَ گوں ایمانداری ءَ آئی ءَ وانگ ءَ اَنت ءُ ایشی ءِ ھواری ءَ ایشی ءِ سر ءَ گپ ءُ باوست، راجکاری، ھال ءُ اھوالی زبان ءُ وتی ھیلکاری مراگشاں ھم وتی ماتی زبان ءِ تہ ءَ کنگ ءَ انت-

21 پروری ءَ سرجمیں دگنیا ءَ ماتی زبانانی میان استمانی روچ شرّیں رنگے ءَ برجم دارگ بُوت، ھمے روچ ءِ درگت ءَ بساک ءِ نیمگ ءَ چہ سرجمیں بلوچستان ءُ سندھ ءِ جتائیں دمگاں ماتی زبان ءُ بلوچ راج ءِ ماتی زبان بلوچی ءُ براھوئی زبانانی ارزشت ءِ سرا مراگش اڈ دیگ بوتگ ءُ جتا جتائیں جاگھاں ھیلکاری پنتاک ھم بھر کنگ بوتگ۔ پرچا کہ بساک ایوک ءَ ھُشکیں دپی راجکاری ءِ سرا اوست نہ کنت بلکیں گوں اَملی دروشم ءَ پہ بلوچ راج ءِ ھاتر ءَ جھد کنگ ءَ اِنت ءُ بساک گوں تیزی ءَ پہ وتی مکسد ءِ نیمگ ءَ جنزان اِنت ۔

بِگندئے من یک کسانیں باسکے ءِ ھساب ءَ نوشت تاک ءِ ارزشت ءَ جوانیں رنگے ءَ درشان کنگ ءَ سوبمند نہ بوتگ آں، بلے ھمے رنگ ءَ کہ نوشت بلوچ چاگرد ءُ ھاسکار بلوچ ورناھانی تہ ءَ شرّیں آسر آران اِنت گڑا ھمے امیت کنگ بیت کہ نوشت آؤکیں وھد ءَ بلوچ راجکاری چاگرد ءَ را زانشتی، پِگری ءُ اَملی دروشم ءَ کار کنگ ءِ کِشک ءَ الّم پیش دار اِیت پرچا کہ اگاں ما دگنیا ءِ اِے دگہ ایردستیں راجانی راجدپتر ءَ بہ وان اِیں کہ آھاں استانی زبان ءِ جاہ ءَ وتی ماتی زبان ارزشت داتگ کہ آئی ءِ درستاں چہ مستریں درور 21 فروری 1952 ءَ پاکستان ءَ بنگلہ دیش ءِ ماتی زبان بنگلہ ءَ را ھلاس کنگ ءِ ھاترا سرکاری شونداتانی دِرچ ءَ پندل ساز اِت بلئے آھاں وتی جان ندر کُت انت ءُ گُڈسر ءَ وتی زبان ءَ را سرکاری زبان جوڈ کنگ ءَ سوبین بوت اَنت۔ اِیشی ءَ ابید سندھی راج ءَ ھم وتی ماتی زبان ھچبر پُشت ءَ دؤر نہ داتگ ھمے سوب ءَ مروچی آھاں وتی راجدپتر، لبزانک ءُ دود ءُ ربیدگ داں یک کچّے ءَ رکّینتگ اَنت۔

گڈسر ءَ من بلوچستان ءِ نودربر، راجکار ءُ لبزانکی، زانشتی ءُ پِگری سنگتاں گوں دستبندی کن آں کہ آ نوشت تاک ءَ شّری ءِ سرا بہ وان اَنت، بہ پھم اَنت، نبشتہ بہ کن اَنت ءُ درستاں چہ گیش نوشت ءِ تہ ءَ ردی ءُ نزوریاں بہ کش اَنت ءُ گل ءَ را الّم سرپد بہ کن اَنت دانکہ گل وتی لبزانک ءَ گیش مھکم ءُ جوانتر کت بہ کنت۔ پرچا کہ نوشت ھما یکّیں راجکاری لبزانک اِنت کہ بلوچ نودربراں زانشتی، راجکاری ءُ لیکھی ھساب ءَ ایماندار کنگ ءَ جوانیں کِردے پیلو کت کنت۔

bsac_admin

Baloch Students Action Committee is a Student political organization that aims to work for the betterment of Education in Balochistan and politicizing the youth

ShareTweetShare
bsac_admin

bsac_admin

Baloch Students Action Committee is a Student political organization that aims to work for the betterment of Education in Balochistan and politicizing the youth

Leave a Reply Cancel reply

Your email address will not be published. Required fields are marked *

Search

No Result
View All Result

Recent News

بلوچ اسٹوڈنٹس ایکشن کمیٹی حیدر آباد زون کا جنرل باڈی اجلاس منعقداقبال بلوچ زونل صدر، شیراز شکیل جنرل سیکرٹری منتخب

پنجاب یونیورسٹی لاہور کے طالبعلموں پر تشدد اور غازی یونیورسٹی ڈی جی خان کے طالبعلموں کی مسلسل ہراسگی نہایت ہی تشویشناک ہے۔

April 28, 2022
بلوچ تاریخ کی قدیم شخصیات

بلوچ تاریخ کی قدیم شخصیات

April 20, 2022
تنظیم کاری ٹی سائنسی وڑٹ کاریم نا گرج

تنظیم کاری ٹی سائنسی وڑٹ کاریم نا گرج

March 22, 2022

The website of Baloch Students Action Committee (BSAC) is an attempt to create political and social awareness among the Baloch Youth.

Recent News

  • پنجاب یونیورسٹی لاہور کے طالبعلموں پر تشدد اور غازی یونیورسٹی ڈی جی خان کے طالبعلموں کی مسلسل ہراسگی نہایت ہی تشویشناک ہے۔
  • بلوچ تاریخ کی قدیم شخصیات
  • تنظیم کاری ٹی سائنسی وڑٹ کاریم نا گرج

© 2020 BSAC - by BSAC_Technician Team.

No Result
View All Result
  • HOME
  • EDITORIAL
  • REPORT
  • ARTICLES
    • URDU
    • ENGLISH
    • BALOCHI
  • STATEMENT
  • BOOK REVIEW
  • INTERVIEW
  • NIVISHT MAGAZINE
  • BOOK
  • GALLERY
  • CONTACT

© 2020 BSAC - by BSAC_Technician Team.

Go to mobile version