کتابءِ ارزشتءُ اہمیت پہ دنیاءِ ھر راجءَ المی اِنت۔ کتاب زانت ءُ سرپدی ءِ وسیلہ اِنت۔
ہما وھدءَ بگر کہ لکگ ءُ چھاپ کنگ بندات بوتگ۔ داں روچءِ مروچی کتاب وانگ ءُ زانگ،علمءُ زانتءِ یک پدریچ ئے ءَ دومی پدریچءِ سر کنگءِ وسیلہ اِنت۔ دنیا ءِ ہما راج کہ آئی ءَ کتاب ارزشت داتگ دیمروی ءِ سمسراں سر بوتگ ۔ کتابءِ وانگ ءَ چے یک راجے وتارا سرپد بیت ءُ وتی راجدپتر ءَ سرپد بیت۔کتاب علم ءِ ھزانگ گُشگ بیت۔دنیا ، چاگرد ءُ بنیادم ءِ ھر جیڑہ ءِ بابتءَ کتاب نبشتہ کنگ بوتگ۔ ہمے رنگءَ دنیا ءِ زانتکاراں علم دو جاگہ بھر کتگ۔یکے سوشل سائنس ءُ دومی نیچرل یا فزیکل سائنس گُشگ بیت۔ سوشل سائنس ھما بھر اِنت آئی ءِ تہا سیاست، راجدپتر، چاگردزانتی فلسفہ، تب زانتی ءُ دگہ بازیں تکءُ پہناتاں کتاب نبشتہ کنگ بوتگ کہ آ انسانءَ آئیءِ جندءِ ءُ آئی ءِ چاگِرد ءِ بابتءَ سرپدی دیئنت۔ دومی نیمگءَ نیچرل سائنس ءِ تہا بائیولوجی ، فزکس ، کیمسٹری ، میڑیسن ، جیو گرافی ہم انسانءِ زمین ءُ آزمانءِ بابتءَ سرپدی ،انسان صحتءُ علاجءِ حوالہ نوکیں دریافت بوتگ ، نوکیں دور ءَ رابطہ ءِ وسیلہ چوش کہ موبائل ، انٹرنٹ ءُ ٹرانسپورٹیشن۔ اے کُل کتاب ءُ علمءِ برورد انت۔ ھر ھما راج کہ آئی ءَ گوں کتابءَ نزیکی ءُ دوستی کُتگ آئی ءَ زندءِ ھرچ تکءُ پہناتاں دیمروی کتگ۔ مرچی ھما راج دنیاءِ سرا حاکمی کنگءَ ایں کہ آئیءَ گوں کتابءَ مہر بوتگ گوں کتابءَ نزیکی کتگ۔ کتاب راجانی رہشونی ءَ کنت۔ ھر چاگردءِ تہاکتابءِ یک مزنیں ارزشت ئےاست ۔ یک راجءِ دیمرویءِ واستہ کِتاب ءِ وانگ الّمی اِنت پرچہ کہ بئید ءِ کتابءِ وانگءَ مئے زندمان تہاری ءِ آماچ بیت ءُ پدا مئے درور چو ھما کور، کرّ ءُ گُنگءَ بیت کہ تو ایشاں دستءَ گِر ھر جاہ بر آ کئیت گوں ۔کتاب مارا راستیں راہءَ پیش داریت ۔وھدے کہ کِتاب وان ءِدنیا ءَ گوں وتی چمّاں گِندے ،کِتاب آدینکءِ درور اِنت کہ ھر راستی ءُ بدکاریءَ پدّر کنت۔ مرچی ما اگاں تاریخءَ بہ چاراں روچءِ مروچی دُنیاءِ تہءَ ھرچ کہ آشوب اتکءَ درورھر وڑیں آشوب اتکگ آ چہ کتاباں اتکگ اَنت۔ مروچی سائنس اِدا سر اِنت. چاگرد ولل کوئلیزد اِنت آ کتابانی وسیلہ ءَ چہ بوتگاں. ارسطو ءَ داں افلاطون ءَ بہ گِر ھمودا چہ کتابانی لِکگ بِندات بوتگ گُڈا اُدا چہ آشوب بِندات بیتگ۔ وھدئےکہ انگلش چاگردءِ توکءَ رینایسسنس ءِ وھدءَ 16می کرنءَ اُودا یونانی کتابانی ترجمہ بیت ءُ وانگ بِندات بیت گُڈا انگلش چاگردءِ تہءَ 15ءُ 16 می کرنءَ یک مزنیں آشوبءِ کئیت اِنت ھمے کتابانی وجہءَ۔ دُنیا ءِ تہءَ ھرچ وڑیں آشوب اتکگ گُڈا آ چہ کِتاباں اتکگ۔ کتاب زانتءِ یک ذریعہ ئےگُشگ بیت ءُ آ چاگردءَ را وڑ وڑیں فیلڈ وف لائف ءِ بابتءَ گُشیت کہ آ اے بِزانت کہ منا وتی زِند چوں گُوازینگی اِنت۔ کتاب یک چاگردئےءَ را فعال کنت ایں کہ آ غلط ءُ راست ءِ تپاوتءَ بہ زانت۔ کتاب دلبڈی ءُ دیمروئی ءِ یک مزنیں سوب ۓ ، کتاب یک چاگردئےءَرا دلبڈی دنت کہ آ گرانیں ساھاتانی دیمءَ چو کوہءَ مِک بیت بہ کناں۔ انچو کہ جون مِلٹن وتی کتاب پرادث لوسٹ ءِ تہءَ گُُشیت ھرچی شُتگ بلے مئے ہمت است اِنت۔ کتاب چاگردئے ءِ کریٹیکل مندسیٹ ءَ تیز کنت ۔آ چاگرد کہ وڑ وڑیں کتاب وانیت آوانی یک پکرئےبیت آ چیزاں شریں وڑءِ آ پہمیت ءُ دیمروئی کنت۔ چاگرد وھدئے کہ کتاب وانیت آ انٹللکچولی باز طاقتور بیت آئی زہنءِ تہءَ باز آئیڈیاز بنت پدا کریٹیوٹیءِ نیمگءَ روت اِنت ۔ کتاباں چہ ما اے زانت کنیں کہ مئے چاگرد چونیں حال ءَ چہ گوستگ ۔ کتابانی ذریعہ ءَ چہ ما وتی ماتیں زُبان ءِسرا ہم کار کُت کنیں۔ اگاں ما بہ چاراں بلوچستان مروچی پرچیا انڈردولوپد ایں پرچہ کہ کتاب ءِ نیمگءَ نہ شُتگ اگاں کتاب نیمگءَ بہ شوتیں گُڈا انڈردولوپد نہ بیتگءَ ءُ دیمروئی ءِ نیمگءَ شُتگ اَت پرچہ کہ کتاب سرپدی دنت،زانت دنت، آگاہی دنت ، شعور دنت۔آئیءِ چمّ پچ بنت آ زانت منا چون زند گوازینگی اِنت۔ کتاب یک چاگردئےءِ توکءَ آشوب آرگءَ مدد کنت ، پرچہ کہ چاگرد کتاب وانیت آ اے سرپد بیت کہ من وتارا ریفارم بہ کناں ءُ من وتارا چو ریفارم کُت کناں ، چوں وتی توکءَ آشوب آؤرت کناں ءُ چو آزادی گِپت کناں اے درست آئیءَ کتابانی ذریعہءَ چہ رسنت۔ کتاب مارا وڑ وڑیں دود ءُ ربیدگانی باروا سرپدی دنت ءُ چاگردءِ شر ءُ ھرابیءَ پدّر کنت ۔ اگاں ما انو ماڈرن ورلڈ ءَ بہ چاراں گُڈا ادا بیدءِ زانتءَ ھچ بوت نہ کنت۔ انچو کہ انٹرناتیونللے بازیں چیزانی روچ ءِ است اِنت ءُ آوانی روچ دارگ بیت گُڈا ھمے پیمءَ کتابانی بی روچ دارگ بیت سرجمیں دُنیا ءَ ، 23 اپریل ءَ کتابانی میاں اُستمانی روچ دارگ بیت ، اے روچ دارگءِ مستریں مول ءُ مُراد ایش اِنت کہ نودربراناں کتابانی نیمگءَ برگءِ سکین دئیگ۔ 23 اپریل عالمی ادیبانی واستہ یک علامتی تاریخ ئے پرچہ کہ مزنیں ادیب انچو کہ ولیم شیکسپئر ، میگوئل ڈی سروینٹیز ، ولیم ورڈز ورتھ ءُ اے دِگر ادیبانی بیران بئیگ ۓ روچ اِنت۔ءُ ہمے پیمءَ اے روچ پہ کتابءَ دارگ بیت۔اے روچ مارا کتاب دوستی ءِ درسءَ دنت۔اے روچ مارا کتابءَ گوں مہر کنگءِ سِکین ءَ دنت۔ بلوچ اسٹوڈنٹس ایکشن کمیٹی ءِ کتاب کاروان ءِ مول ءُ مراد ہمیش اِنت کہ بلوچ نودربر ءُ چاگرد ءَ گوں کتاب ءَ ہمگرنچ بکنت ءُ کتاب بلوچ نودربرانی رہشونی ءَ بکنت ۔ مرچیگیں وانوک بانداتگیں راہشون اِنت ۔
Baloch Students Action Committee is a Student political organization that aims to work for the betterment of Education in Balochistan and politicizing the youth
