تربت گرلز ڈگری کالج میں بسوں کی عدم دستیابی تشویشناک ہے. بلوچ اسٹوڈنٹس ایکشن کمیٹی
15/02/2020
بلوچ اسٹوڈنٹس ایکشن کمیٹی کے مرکزی ترجمان نے اپنے جاری کردہ بیان میں تربت گرلز ڈگری کالج میں بسوں کی عدم دستیابی کی شدید الفاظ میں مذمت کرتے ہوئے کہاکہ جامعہ میں منظم ٹرانسپورٹ سسٹم نہ ہونے کی وجہ سے طالبعلم پیدل چلنے پر مجبور ہیں۔ پٹھان کور، خوش قلات، تنزگ،نوبند، نو قلات اور دیگر چھوٹے بازاروں میں گزشتہ ایک سال سے بسوں کی عدم دستیابی کا مسئلہ چل رہا ہے۔طالبعلموں کی کثیر تعداد بسوں کی غیردستیابی سے سخت ہزیمت کا شکار ہورہے ہیں اور ان مسائل کے حل کے لئے طالبعلموں نے صوبائی اسمبلی کے رکن مسز ماہ جبین اور ظہور بلیدی سے بھی رابطہ کیا گیا لیکن ان دونوں کی جانب سے تاحال کوئی جواب موصول نہیں ہوا۔ طلبا نے ٹرانسپورٹ مسائل کے حل کے لئے ڈسٹرکٹ کمشنرسے رجوع کرنے کی کوشش کی حالانکہ اُن کی غیرموجودگی میں ایڈیشنل ڈپٹی کمشنرتربت سے ملاقات کر کے اپنے مسائل اُن کے سامنے پیش کیے۔ایڈیشنل ڈپٹی کمشنرکی جانب سے جلد از جلد مسئلے کے حل کی یقین دہانی کے باوجود اس بارے میں کوئی خاطر خواہ کاروائی نہیں کی گئی۔
مرکزی ترجمان نے مزید کہا کہ بلوچستان اس وقت تعلیمی حوالے سے ایک پسماندہ صوبہ ہے۔صوبے میں تعلیمی ادارے نہایت ہی قلیل تعداد میں میسر ہیں اور ان تعلیمی اداروں میں بنیادی سہولیات کی فقدان کی وجہ سے طالبعلموں کو آئے روز نت نئے مسائل کا سامنا ہے۔ سہولیات کی فقدان کیساتھ ساتھ انھی جامعات میں انتظامیہ کے جانب سے طلباو طالبات کو مشکلات کا سامنا ہے جسکی واضح مثالیں ڈیرہ بگٹی گرلز کالج میں خفیہ کیمروں کی نشاندہی اور تربت ڈگری کالج میں طالبعلموں کو رجسٹر نہ کرنے جیسے واقعات ہیں۔تربت گرلز ڈگری کالج میں بسوں کی غیردستیابی طالبعلموں کے تعلیمی سرگرمیوں میں رکاوٹ بنی ہوئی ہے اور اس مسئلے کے لئے اعلی حکام سے ملاقات کیساتھ جلد ازجلد حل کی درخواست کی گئی جسکی شنوائی تاحال نہ ہوسکی ہے۔
مرکزی ترجما ن نے اپنے بیان کے آخر میں کہا کہ تربت گرلز ڈگری کالج میں بسوں کی تعداد نہایت ہی قلیل ہونے کے ساتھ ساتھ بس ملازمین کی تعدادمیں بھی کمی ہے۔یہ امر واضح رہے مذکورہ مسائل کی وجہ سے طالبعلم شدید ذہنی و جسمانی کوفت میں مبتلا ہو رہے ہیں۔ہم صوبائی حکومت اور صوبائی تعلیمی ادارے سے درخواست کرتے ہیں کہ اس واقع کیخلاف سختی سے نوٹس لیکر جلد از جل نئے بسوں کی اجرا کیساتھ ساتھ ملازمین کی تعداد بھی بڑھائی جائے تا کہ طالبعلم اپنی تعلیم کو ایک خوشگوار اور سہولیات سے مزین ماحول میں تسلسل کیساتھ جاری رکھ سکیں۔
Baloch Students Action Committee is a Student political organization that aims to work for the betterment of Education in Balochistan and politicizing the youth
