معزز صحافی حضرات
10/02/2020
آج سے دو مہینے پہلے 10 دسمبر 2019 کو بلوچ اسٹوڈنٹس ایکشن کمیٹی کے مرکزی ورکنگ کمیٹی ممبر وہاب ولد سیاہل کو گوادر کے شہر سے جبری طور لاپتہ کیا گیا تھا۔ آج 10 فروی کے دن دو مہینے پورے ہونے کے باوجود وہاب بلوچ کو ابھی تک منظر عام پر نہیں لایا گیا ہے جو باعث تشویش ہے۔ بلوچ اسٹوڈنٹس ایکشن کمیٹی پاکستان بھر میں تعلیمی ماحول کو پروان چھڑانے اور طلباء کے مسائل کے حل کے لیے پر امن جدوجہد پر یقین رکھنے والی طلبا تنظیم ہے۔ بلوچ اسٹوڈنٹس ایکشن کمیٹی نے ہی تعلیم کے راہ میں طلباء کی نا امیدیوں کو ختم کرنے میں کلیدی کردار ادا کیا ہے مگر اب تنظیم کے ممبران کی جبری گمشدگی طلباء کے درمیان ایک خوف کے ماحول کو جنم دے رہی ہے جو کہ پھر سے طلباء کو مایوسیوں کی طرف دھکیل رہی ہے۔ وہاب بلوچ کی جبری گمشدگی سے پہلے آرگنائزیشن کے سابقہ وائس چیئرمین کو بھی جبری گمشدگی کا نشانہ بنایا تھا جو آج 8 مہینے گزرنے کے باوجود بازیاب نہیں ہو سکے۔
عزیز صحافی حضرات
بلوچستان کے تعلیمی اداروں کے اندر طلباء کیلئے پہلے سے ہی سینکڑوں مشکلات ہیں جس کی وجہ سے طلباء آئے روز سراپا احتجاج رہتے ہیں۔ تعلیمی مسائل کے ساتھ ایک عرصہ دراز سے طلباء کو جبری طور پر گمشدہ کرنے کا ایک نا ختم ہونے والا سلسلہ بھی رواں ہے جس سے صوبے کی تعلیمی ماحول کو ایک خوف کا سامنا ہے۔ایک پرامن اور سیاسی تنظیم کی حیثیت سے بلوچ اسٹوڈنٹس ایکشن کمیٹی کی بنیاد سے کوشش رہی ہے کہ بلوچ طلباء کو ایک ایسا سیاسی پلیٹ فارم مہیا کریں جہاں طلباء بنا کسی خوف و خطر کے اپنے تعلیمی و سیاسی تربیت کو جاری رکھیں لیکن ایک سال کے دوران تنظیم کے مرکزی ممبران کی جبری گمشدگی اس بات کا غماز ہے کہ پرامن تعلیمی سرگرمیاں بھی ایک ناقابل برداشت عمل بن چکی ہے جس کے مستقبل میں مضر اثرات مرتب ہو سکتے ہیں۔ نوجوان طلباء رہنماؤں کی گمشدگی مختلف سوالات جنم دے رہی ہیں۔ اگر تنظیم کا کوئی ممبر کسی غیر قانونی سرگرمی کا حصہ رہا ہے تو انہیں منظر عام پر لایا جائے اس طرح نوجوانوں کو پسِ زندان رکھنا خوف کے ماحول کو جنم دینے کے ساتھ خاندان کیلئے زہنئ کوفت ک باعث ہے۔
گران قدر صحافی حضرات
وہاب بلوچ کی جبری گمشدگی کے کیس کو ہم نے بالا حکام تک پہنچایا تاکہ وہاب کی باحفاظت بازیابی کو یقینی بنایا جائے لیکن بدقسمتی سے ابھی تک ہمیں کوئی خبر نہیں ملی ہے۔ اس پریس کانفرنس کی توسط سے ہم ایک مرتبہ پھر بالا حکام سے اپیل کرتے ہیں کہ وہ تنظیم کے سابقہ وائس چیئرمین اور موجودہ ورکنگ باڈی کے ممبر وہاب بلوچ کےساتھ تمام لاپتہ طلباء کی باحفاظت بازیابی کیلئے جلد از جلد اقدامات کریں اور بلوچستان بھر کی نظام تعلیم جس خوف سے دو چار ہے اس خوف کو ختم کرنے اپنا کردار ادا کریں۔ کیونکہ اس صوبے کی پسماندگی کی ایک بڑی وجہ شرح خواندگی میں کمی کا ہے۔ جسکی براہ راست ایک اہم وجہ طلباء کی جبری گمشدگیاں ہے۔ اس غیر قانونی عمل کے خلاف آپ صحافی حضرات سے گزارش ہے کہ میڈیا کے تمام قانونی اختیارات استعمال کرتے ہوئے آواز اٹھائے شکریہ۔
Baloch Students Action Committee is a Student political organization that aims to work for the betterment of Education in Balochistan and politicizing the youth
