ڈائریکٹوریٹ آف بلوچستان کے تحت ہونے والے داخلہ جات میں انتظامی بےضابطگیاں نہایت ہی تشویشناک ہیں. بلوچ سٹوڈنٹس ایکشن کمیٹی
12/12/2019
بلوچ سٹوڈنٹس ایکشن کمیٹی کے مرکزی ترجمان نے اپنے جاری کردہ بیان میں ڈائریکٹوریٹ آف بلوچستان کے تحت ہونے والے داخلہ جات میں ہونے والے بے ضابطگیوں پر تنقید کرتے ہوئے کہا کہ بلوچستان کے طالبعلموں کے لئے پنجاب کے مختلف یونیورسٹیوں میں ڈائریکٹوریٹ کی طرف سے اقربا پروری اور سفارشی بنیادوں پر ہونے والے داخلہ جات کی شدید الفظ میں مزمت کرتے ہیں۔رواں سال ہونے والے داخلہ جات میں ڈائریکٹوریٹ آف بلوچستان نے میرٹ کی پامالی کرکے تمام سیٹیوں کو سفارش،اقربا پروری،سیاسی بنیادوں اور کرپشن کے نظر کر کے خود ساختہ میرٹ لسٹیں بنا کر من چاہے طالبعلموں میں نشستیں تقسیم کی گئیں۔مقرر شدہ نشستوں پر بنیادوں غیر منتخب شدہ طلباوطالبات میں سیٹیں تقسیم کر کے جعلی نومینیشن لیٹرز کا اجرا کیا گیا جسے میرٹ پر اترنے والے طالبعلموں کی حق تلفی تصور کی جاتی ہے۔ یہ ایک واضح امر ہے کہ بلوچستان میں تعلیمی اداروں اور تعلیمی سہولیات کی فقدان کے باعث دور دراز علاقوں کے طلباو طالبات علم کی پیاس بجھانے کے لیے ملک کے دیگر صوبوں کا رخ کرتے ہیں جس میں ڈائرکیٹوریٹ کیجانب سے انتظامی بے ضابطگیوں کی وجہ سے خلل نہایت ہی افسوسناک ہے۔
انہوں نے مزید کہا کہ سیندک پروجیکٹ کے تحت ہر سال مُختلف یونیورسٹیوں میں بلوچستان کے طالبعلموں کیلے مخصوص نشستوں پر طالبعلموں کو سکالرشپ کے تحت داخلہ دیا جاتاہے۔ اس سال بھی گُزشتہ سالوں کی طرح اسلامیہ یونیورسٹی بہاولپور، یونیورسٹی آف گجرات، یونیورسٹی آف سرگودھا، پنجاب یونیورسٹی لاہور، بہاؤالدین زکریا یونیورسٹی ملتان، یونیورسٹی آف ایجوکیشن لاہور اورغازی یونیورسٹی ڈیرہ غازی خان میں کوٹہ کے مخصوص نشستوں پر داخلہ جات ہوئے جن میں انتظامی بے ضابطگیاں عروج پر رہیں۔ مخصوص نشستوں پر داخلہ جات کے لیے جعلی نومینشن لیٹرز جاری کی گئیں جس سے ہونہار طالبعلموں کی حق تلفی ہوئی ہے۔
مرکزی ترجمان نے اپنے بیان کے آخر میں بلوچستان حکومت سے مخاطب ہوتے ہوئے کہا کہ سیندک پروجیکٹ کے تحت ہونے والے داخلہ جات کے لیے ایک واضح پالیسی مرتب کر کے صاف اور شفاف داخلوں کو یقینی بنایا جائے۔کرپشن اور بے ضابطگیوں میں ملوث ڈائریکٹوریٹ آف بلوچستان کے عہدیداروں کیخلاف ایکشن لیکر ملوث افراد کو برخاست کیا جائے۔ ڈائریکٹریٹ کے تحت ہونے والے تمام داخلہ جات کو ایک منظم شکل دے کرمیرٹ کی بنیاد پر اہل طالبعلموں کے داخلوں کو یقینی بنایا جائے۔اگر بے ضابطگیوں کا یہیں تسلسل برقرار رہا اور ڈائرکیٹریٹ کیجانب سے واضح ایڈمیشن پالیسی مرتب کر کے میرٹ کی بنیاد پر داخلے نہیں ہوئے تو ہم اس کیخلاف شدید احتجاج کریں گے.
Baloch Students Action Committee is a Student political organization that aims to work for the betterment of Education in Balochistan and politicizing the youth
