جی آر مُلا کے نام سے منسوب پبلک لائبریری کی عمارت کھنڈرات کی شکل اختیار کرچُکی ہے.بلوچ سٹوڈنٹس ایکشن کمیٹی
26/11/2019
بلوچ سٹوڈنٹس ایکشن کمیٹی کے مرکزی ترجمان نے اپنے جاری کردہ بیان میں جیونی کے مشہور بلوچی شاعر جی آر مُلا کے نام سے منسوب پبلک لائبریری کی تعمیر میں انتظامی بے حسی کی شدید الفاظ میں مذمت کرتے ہوئے کہا ہے کہ بلوچستان میں تعلیمی نظام کے مفلوجی کی باعث لائبریریوں کو اہم کردار حاصل ہے اور اسی سلسلے میں جیونی کے واحد پبلک لائبریری کی زیرِ تعمیر عمارت کھنڈرات کی شکل اختیار کرنا نہایت ہی تشویشناک ہے.
انھوں نے مزید کہا کہ بلوچستان وہ بد قسمت صوبہ ہے جہاں شرح خواندگی نہ ہونے کے برابر ہے.تعلیمی نظام ایک گھناؤنا شکل اختیار کر چُکی ہے.پرائمری سے لیکر یونیورسٹی لیول تک تعلیمی ادارے نرسری کا کردار ادا کرنے سے قاصر ہیں.تعلیمی اداروں میں گُٹھن کی ایک فضا برقرار ہونے کی وجہ سے طالبعلموں کی تحقیقی و علمی نشونما جمود کا شکار ہو چُکی ہے. مثبت سرگرمیوں کی فقدان کے باعث بلوچ نوجوان بے راہ روی کا شکار ہونے کے ساتھ ساتھ غیر معاشرتی اعمال کا مرتکب ہو رہی ہے.ایک ایسے ماحول میں جہاں علمی حوالے سے ہرطرف تاریکی ہو لائبریریاں وہ واحد ادارے ہیں جو تمام علم دوست افراد کو ایک پُرامن اور پُرسکون ماحول مہیا کرتی ہے جہاں وہ اپنی تحقیقی, تخلیقی اور علمی صلاحیتوں کا استعمال کر سکیں.
اپنے بیان کے آخر میں انھوں نے حکومت بلوچستان پر زور دیتے ہوئے کہا کہ لائبریریوں کی افادیت کو سمجھتے ہوئے نئی لائبریریوں کے قیام اور موجودہ لائبریاں کو فنکشنل کیا جائے.جی آر مُلا لائبریری جیونی کی عمارت کی خستہ حالی کا نوٹس لے کر اُسے ترجیحی بنیادوں پر تعمیر کیا جائے
Baloch Students Action Committee is a Student political organization that aims to work for the betterment of Education in Balochistan and politicizing the youth
