طالب علموں کی جدوجہد سے مجبور ہو کر انتظامیہ نے داخلہ لسٹ آویزاں کردئیے ۔
محکمہ صحت حکومت بلوچستان رجسٹریشن کے عمل کو جلد از جلد حل کروائیں۔بلوچ اسٹوڈنٹس ایکشن کمیٹی
10/08/2019
بلوچ اسٹوڈنٹس ایکشن کمیٹی کے مرکزی ترجمان نے اپنے اخباری بیان میں کہا کہ مکران،جھالاوان اور لورالائی میڈیکل کالجز کے متاثرہ طالب علموں نے مذکورہ میڈیکل کالجز میں کلاسز آغاز کرنے کے لئے انتظامیہ سمیت متعلقہ اداروں کے سربراہوں کو مجبور کیا کہ وہ نئے میڈیکل کالجز کے داخلہ لسٹ کو آویزاں کریں،طالب علموں کے احتجاج اور حقوق کی جدوجہد سے مجبور ہو کر انتظامیہ نے داخلہ لسٹ آویزاں کردیا۔
متاثر طالب علموں کی اس جدوجہد میں بلوچ اسٹوڈنٹس ایکشن کمیٹی روز اؤل سے انکے شانہ بشانہ جدوجہد کررہی ہیں تاکہ طالب علموں کو انکے جائز حقوق مل سکے اور وہ بغیر کسی ذہنی دباؤ کے اپنے تعلیمی سفر کو جاری رکھ سکیں۔
ترجمان نے اپنے بیان میں مذید کہا کہ بلوچ اسٹوڈنٹس ایکشن کمیٹی نے طلباء حقوق کے لئے طلبہ کے احتجاجی کیمپ میں کلاسز کا آغاز کیا تاکہ ذمہ داران اس جانب اپنی توجہ مبذول کرکے طالب علموں کے مسائل پر سنجیدگی سے غور کرکے اقدامات کریں۔
طالب علموں کی محنت اور جدوجہد رنگ لے آئی اور انتظامیہ نے داخلہ لسٹ آویزاں کرکے طالب علموں کے مستقبل حوالے اہم فیصلہ کیا لیکن لسٹ آویزاں ہونے کے باوجود بھی یہ مسئلہ پوری طرح حل نہیں ہوا ہے کیونکہ مذکورہ تینوں کالجز ابھی تک غیر رجسٹرڈ ہے اور پاکستان میڈیکل اینڈ ڈینٹل کونسل کی جانب سے تمام غیر رجسٹرڈ کالجز کو مطلع کیا گیا ہے کہ وہ متعلقہ کالجز کی رجسٹریشن کے لئے پی ایم ڈی سی سے معائنے کے لئے درخواست جمع کروائیں۔
ترجمان نے اپنے بیان کے آخر میں حکومت بلوچستان اور محکمہ صحت سے اپیل کرتے ہوئے کہا کہ جس قدر ممکن ہو ان کالجز کے رجسٹریشن کے لئے دلچسپی ظاہر کرکے اپنے زیرنگرانی طالب علموں کے مطالبات منظور کئے جائیں تاکہ طلبا ء کے مستقبل کے خدشات کو دور کیا جاسکے۔
Baloch Students Action Committee is a Student political organization that aims to work for the betterment of Education in Balochistan and politicizing the youth
