ہاسٹل الائٹمنٹ کے نام پر BUMHS انتظامیہ کی جانب سے ہاسٹلوں کی تالا بندی کسی صورت قابل قبول نہیں ۔
بلوچ اسٹوڈنٹس ایکشن کمیٹی
11/08/2019
بلوچ اسٹوڈنٹس ایکشن کمیٹی کے مرکزی ترجمان نے بی یو ایم ایچ ایس BUMHS انتظامیہ کی جانب سے ہاسٹلوں کی تالا بندی کی شدید الفاظ میں مذمت کرتے ہوئے کہا ہے کہ یونیورسٹی انتظامیہ کی ناہلی کی وجہ سے مسلسل پہ در پہ طلباء و طالبات کو مختلف قسم کے مشکلات کا سامنا کرنا پڑ رہا ہے ۔اسی طرح پچھلے دنوں انتظامیہ نے ہاسٹل الائٹمنٹ کے نام پر تمام طلباء و طالبات کو زبردستی نکال کر مجسٹریٹ کے ذریعے ہاسٹلوں کو سیل کیا گیا ہم سمجھتے ہیں اس طرح کے اقدامات طلباء و طالبات کیلئے مذید مشکلات اور ذہنی کوفت کا سبب بن رہے ہیں جس کی ہم ہر فورم پر مذمت کریں گے ۔
ترجمان نے مزید کہا کہ تعلیمی اداروں کے انتظامیہ کی جانب سے ہر ایسے فیصلوں کے خلاف ہم کھڑے ہیں جو طلباء و طالبات کیلئے فائدہ مند ہونے کی بجائے مزید مشکلات پیدا کریں یا جس کی وجہ سے ان کے تعلیمی کیرئیر پر اثرات مرتب ہوں کیونکہ ہم طلباء و طالبات کے تعلیمی کیرئیر پر کبھی بھی کمپرومائز نہیں کریں گے ۔
ترجمان نے بولان یونیورسٹی آف میڈیکل اینڈ ہیلتھ سائنسز کے انتظامیہ کو مخاطب کرتے ہوئے کہا کہ جب سے اس انتظامیہ نے چارج سمبھالا ہے تب سے طلباء و طالبات کو مختلف قسم کے مسائل در پیش آ رہے ہیں کبھی امتحانات کا مسئلہ ہے کبھی داخلوں کے میرٹ کا مسئلہ ہے۔ابھی یہاں تک پہنچ گئے کہ زبردستی طلباء و طالبات کو نکال کر ہاسٹلوں کی تالا بندی کی گئی ہے لہذا انتظامیہ کو چاہیے کہ اپنا قبلہ درست کرے بصورت دیگر طلباء و طالبات کے حقوق کیلئے ہم کسی حد تک بھی جا سکتے ہیں ۔
ترجمان نے اپنے بیان کے آخر میں کہا کہ ہم وزیر اعلی بلوچستان، محکمہ صحت اور سپریم کورٹ آف بلوچستان سے اپیل کرتے ہیں کہ وہ ہاسٹلوں کی تالا بندی کے خلاف ایکشن لے کر انتظامیہ اور وائس چانسلر کے خلاف کاروائی کریں بصورت دیگر بلوچ اسٹوڈنٹس ایکشن کمیٹی اس عمل کے خلاف جلد از جلد اپنا آئندہ لائحہ عمل طہ کرے گی ۔
Baloch Students Action Committee is a Student political organization that aims to work for the betterment of Education in Balochistan and politicizing the youth
