بلوچ اسٹوڈنٹس ایکشن کمیٹی پنجگور زون کی جنرل باڈی دیوان منعقد۔
آج کا سیاسی شعور یافتہ طالب علم کل کے بہترین سماج کا ضامن ہے۔
ڈاکٹر نواب بلوچ
بلوچ اسٹوڈنٹس ایکشن کمیٹی پنجگور زون کی جنرل باڈی دیوان زیرصدارت مرکزی چئیرمین ڈاکٹر نواب بلوچ منعقد ہوئی۔
اجلاس میں تنظیمی امور اور ائندہ کے لائحہ عمل کے ایجنڈے زیربحث رہنے کے علاوہ علاقائی و عالمی سیاسی صورتحال کا تفصیلی جائزہ،بلوچ سماج میں موجود معاشرتی ناہمواریوں اور بلوچ طلباء کو درپیش مسائل پر تفصیلی گفتگو کی گئی۔شرکاء نے اپنے خیالات کا اظہار کرتے ہوئے کہا کہ بدلتی ہوئی عالمی سیاسی صورتحال کو سمجھنا بلوچ طلبا پر انتہائی لازم ہے کیونکہ عالمی تبدیلیوں کے اثرات براہ راست بلوچ گلزمین کے ساتھ منسلک ہیں۔
شرکاء نے اظہار خیال کرتے ہوئے کہا کہ بلوچ سماج میں موجودہ مسائل کو سمجھنے اور ان سے نمٹنے کے لیے سیاسی و علمی بحث مباحثوں کی اشد ضرورت ہے۔
بلوچ طلبا کو درپیش سنگین حالات پر گفتگو کرتے ہوئے چئرمین نواب بلوچ نے کہا کہ آج دانستہ طور پر بلوچ طلبا پر زمین تنگ کردی گئی ہے جسکی وجہ سے بلوچ طلبا اپنی ڈگریاں چھوڑنے پر مجبور ہیں۔ ان حالات میں ہم پر بحثیت تنظیم بھاری زمہ داری عائد ہوتی ہے کہ بلوچ طلبا کے لئے امید کی کرن ثابت ہو۔ اور طلبا کو آئے دن مسائل سے نمٹنے کے لئے منظم جہدوجہد کرنے کے علاوہ شعوری بالیدگی کے لئے کتاب اور لائبریری کلچر کو فروغ دیں۔
انھوں نے مزید کہا کہ آج کا سیاسی شعور یافتہ طالب علم ہی کل کے بہتر سماج کا ضامن ہے۔ جس کے لیے ہمیں اپنے مباحثے کو ذیادہ سے ذیادہ شعوری سمت دینے کی اشد ضرورت ہے۔
آخر میں انھوں نے پنجگور ذون کی کابینہ کو مبارکباد دی اور اس امید کا اظہار کیا کہ پنجگور زون کے رہنما علاقہ کے طلبا کو درپیش تعلیمی مسائل کے حل اور یہاں کے طلبا کی سیاسی شعور میں اضافہ اور کتاب کلچر کے فروغ کے لئے شب و روز جدو جہد کرنے سے گریز نہیں کرینگے۔
دیوان کے آخری ایجنڈہ آئندہ کے لائحہ عمل میں زونل کابینہ کا چناؤ کیا گیا جس کے لئے شاہ نواز بلوچ صدر، شمیلہ بلوچ نائب صدر،عامر الیاس بلوچ جنرل سیکرٹری، سنگت حکیم بلوچ ڈپٹی جنرل سیکرٹری اور مقبول بلوچ انفارمیشن سیکرٹری منتخب ہوئے۔
Baloch Students Action Committee is a Student political organization that aims to work for the betterment of Education in Balochistan and politicizing the youth
