بلوچ اسٹوڈنٹس ایکشن کمیٹی نہ کاریم تہ چنکو چمشانک اس۔
ادارہ
(دلگوش! دا بلوچ اسٹوڈنٹس ایکشن کمیٹی نہ سر جم اِنگا کاریم تہ رپورٹ اف غُٹ کاریم تہ اسے چونکوچمشانک اسے۔گل نا کاریم تیٹی بلوچ اسٹوڈنٹس ایکشن کمیٹی ناتنظیم کاری مسونے اوٹی بلوچستان نہ بازاِنگا جاگا تیٹی پوسکونو زون و یونٹ ٹئفنگانے او کل زون تیٹی بلوچ ورناتے خواننگ کین اسٹڈی سرکل خنگانے اوڑ تون آوار تعلیمی ادارہ غا تا جیڑہ، ہڑ و جنجال آ تا زیہاپریس کانفرنس و احتجاج کننگآنے و تعلیمی جہڑاتا زیہا بہلو کساس سے ءَ سرکار نہ نمائندہ و ایلو سیاسی مخلوق تون مجلس و ملاقات کننگانے اوفتے مختلف مسائل آتا زیہا بریف کننگانے۔)
نومبر سال 2018 ٹی بلوچ اسٹوڈنٹس ایکشن کمیٹی نا اولیکوکونسل سیشن یاد اَٹ یوسف عزیز مگسی نا، پنٹ ڈاکٹر عبدالرحمن براہوئی و واجہ مبارک قاضی ناارا کہ پوسٹ گریجویٹ کالج سریاب روڈ کوئٹہ ٹی اَڈ الک۔دا کونسل سیشن ٹی چیئرمین نواب بلوچ،وائس چیرمین غنی بلوچ، سیکریٹری جنرل سلمان بلوچ،ڈپٹی سیکریٹری جنرل حاجی حیدر اور انفارمیشن سیکریٹری تسمیہ بلوچ گچین کننگ مسور۔ وہاب بلوچ،جانباز بلوچ،صبیحہ بلوچ،مرتضی بلوچ،سیف بلوچ و شبیر بلوچ مرکزی ورکنگ کمیٹی نہ باسک گچین مسور۔کونسل سیشن نا غٹ آن بھلا مسخت گل ءِ ادارہ جاتی شکل تننگ و بلوچ ورنا تے اسے مھکمو ادارے سیٹی اھوار کننگ اوفتیٹی بلوچ را ج د فتر تون اوار دنیا نہ ایلو ادب،سیاست تون خوڑک کننگ ناجہد کنگ ءِ۔کونسل سیشن نا ارٹمیکو دے 2 نومبر ءَ سوغندی دیوان مس۔دا دیوان ءَ بلوچی زبان نا پنی انگا شاعر واجہ مبارک قاضی،پروفیسر ڈاکٹر منظور بلوچ،پروفیسر عزیز بگٹی،ڈاکٹر دین محمد بزدار،ڈاکٹر سلیم کرد،پروفیسر واجہ صدیق بلوچ،رحیم مہر،اے آر داد،ڈاکٹر ابابگربلوچ و بساک نا مسکوئی چئیرمین رشید کریم بشخ الکور۔نودربر نا سیاسی کرد واینو نا سیاست ء ُ نودربر آتا سیاسی بودوباش نا زیہاایت کریر۔مقررین آک بلوچ اسٹوڈنٹس ایکشن کمیٹی نا پوسکن گچین مروکا مرکزی سنگت آتے اَسے کامیاب ء ُ کونسل سیشن اڈ تننگ کن مبارک بادی تسور۔دیوان ٹی بساک نہ مستنا کاریم تا زی ءَ ایت کننگ ءَ و بلوچ سیاست وادب نازی ءَ ایت کننگ آ۔
اولیکو مرکزی کمیٹی دیوان۔
کونسل سیشن نا حلف برداری دیوان آن اَسے دے پد 3یعنی نومبر 2019 ءَ اولیکومرکزی کمیٹی نادیوان چیرمین ڈاکٹر نواب بلوچ نا کماشی ٹی شال آ اڈتننگا۔دیوان ٹی بلوچستان نا تعلیمی ادارہ غاتیٹی بازنگا جیڑہ و جنجالاتا زی ءَ ایت کننگا و دیوان ٹی دا ایت کننگاکہ بلوچ اسٹوڈنٹس ایکشن کمیٹی بلوچ نا نمائندگی کرو کا ادارہ ءِ بلوچستان تون اھوار پاکستان نہ ار ہمو جاگہ اہموڑے کہ بلوچ نودربرآک خواننگ ءُ اموڑے موجود مرے تاکہ بساک غٹ پاکستان ٹی بلوچ نودربر نہ نمائندگی ءِ جوان ء ُ وڈ سے اَٹ کننگ کے۔گل ءِ ایلو علاقہ غاتیٹی فعال کننگ تون اھوار بساک تینا مستنا“بلوچستان کتاب کاروان”ءِ ایلو جاگہ تے ءَ سر کننگ نہ جھدءِ کیک و کتاب کلچر ءِ لس مخلوق تیٹی شنگ و تالان کننگ نہ جھد کیک۔ تاکہ بلوچستان نانودربر کتاب تون خڑک مریر و دا فیصلہ کننگا کہ بساک تینا سیاسی تاک یعنی ترجمان“نوشت”ءِ مادری زبان بلوچی و براہوئی ٹی شنگ کیک ارا سہ ماہی مریک۔دا تاک نا مول و مراد بلوچ ورنا ونودربر آتے جواننگ ءَ سیاسی لٹریچر سر کین اوفتے سیاسی زانت و سرپد ی ایتن۔دا شور و سلاھاں تون اوار تعلیمی پروگرام آتے مونادننگ ناخاطر کن گل وخت وخت نا تہٹی دیوان اڈ ایتیک۔اندا فیصلہ تے تون گل نا اولیکو دیوان سرجم مس۔
ارٹمیکو مرکزی کمیٹی نا دیوان۔
چار تو ہ کن تنظیم نا لیڈر شپ اولیکودیوان نا ارفوکا فیصلہ تا زیہا کاریم کیک و چار توہ آن پد ارٹیمیکو مرکزی دیوان ڈاکٹر نواب بلوچ نا کماشی ٹی ءَ 23مارچ 2019 شال ءَ اڈ تننگ آ۔دا دیوان ٹی گل نہ وائس چئیرمین غنی بلوچ تینا ذاتی مسئلہ تا سوب آن تینا دو کشا ُ اونا جاگہ غا سنگت آتا مشورہ اَٹ مرکزی ورکنگ کمیٹی نا باسک صبیحہ بلوچ وائس چئیرپرسن نہ عہدہ غا گچین کننگ مس۔مرکزی انفارمیشن سیکرٹری تسمیہ بلوچ ءِ گل نا رھبند نا خلاف ورزی کننگ نا وجہ غان عہدہ غان فارغ کیر تا و اونا جاگہ غا مرکزی ورکنگ کمیٹی نا باسک شبیر بلوچ ء ِ اکثریت رائے ٹی گل نا انفارمیشن سیکریٹری گچین کننگ مریک۔دا فیصلہ تون اوار اَوار موستکوئی آ کاریم تا زی آ چمشانک اس تنگ مریک و مون نا چار تو کین پروگرام جوڑ مریک۔
مسٹمیکو مرکزی کمیٹی دیوان۔
23 اگست 2019 بلوچ سٹوڈنٹس ایکشن کمیٹی نہ مسٹمیکو مرکزی کمیٹی دیوان چیرمین ڈاکٹر نواب نا سربراہی ٹی اڈ تننگ آ۔نودربر سیاست نا حوالہ اَٹ ء ُ اینو نا نودربر نا خواننگ ناضرورت نا حساب ءَ بازینگا فیصلہ آک ارفنگار۔
دا دیوان آشور و سلاہ مس کہ امر نودربر سیاست ٹی ملکی غیر قانونی بین ءِ ختم کننگ مرے و دا بین ءِ ختم کننگ کے گل تینا وس وواک نہ حساب ءَ کاریم کیک،سیاست نودربر نا بنیادی حق ءِ دانا بحال کننگ کے جھد کننگ المی ءِ۔
اولی سیمینار۔
13 دسمبر 2018 ءَ بلوچ اسٹوڈنٹس ایکشن کمیٹی بی ایم سی یونٹ نہ پارہ غان بی ایم سی ٹی Geographical importance of Balochistan نہ سر حال ءَ اڈ تننگ ءَ دا دیوان نہ مہمان خاص سابقہ سینیٹر و موجودہ ایم پی اے ثناء بلوچ و واجہ ڈاکٹر دین محمد بزداراسَر۔دا دیوان ءَ سپیکر اک ایت کریرکہ دنیا نہ ارا اسے قوم سیکن اونا زمین نا مننگ لازمی ءِ و ارا قوم نہ جوان ءُ سرحد مریرہ و قوم باز اہمیت و طاقت نا حامل مریک۔بلوچستان نا سرحد دنیا نا کل طاقت ور انگا ملک آتیکن اسے بھلو اہمیت اس تخیک اندا وجہ غان َاینو مچ دنیا نا خنک بلوچستان ا صخت ء ُ۔سویت یونین نابی اندا کوشست مسونے کہ او بلوچستان نا ساحل آ سر مرے۔دا سیمیناربھلو کچ سیٹی نودر بر،استاداک ء ُ ملازمین آک بشخ الکر۔
ارٹمیکوسیمینار۔
9 فروری 2019 ءَ مرکز نہ پارہ غان لیاری ٹیHistory of students politics in liyari سر حال نا زی آ سیکریٹری جنرل سلمان بلوچ نا کماشی ٹی اڈ تننگا۔دیوان نا مہمان خاص عبدالرحیم ظفر،نادل شاہ عادل،اختر بلوچ،حنیف دل مراد و اصغر دشتی اسر۔سپیکر اک دیوان ٹی لیاری نا سیاسی تاریخ و ادب نازی آ چمشانک اس تسر و تینا لکھوکاک آ نوشتہ آتے خوانار۔ دا دیوان نا مول و مراد لیاری نا نودربر سیاست ناگم مروکا ءَ تاریخ نا زی آ ایت کننگ نا ئے۔شستمیکو کرن ٹی بلوچ نودربر سیاست اَسے محکم ءُ وڑسے اَٹ ودی مس دیوان آ اندا سر حال آ ایت کننگا۔ایت کروکا مہمان اک تینا نوشت آتیٹی دا بی پاریر کہ بلوچستان نا تہٹی ودی مروکا سیاسی و ادبی تحریک آتا اثر لیاری آ تمان ءِ و بازنگا ادبی تحریک آتا مرکز لیاری مسونے لیاری بلوچ ادب نا اُست نا بند چائنگ مریک۔
اینونا خراب انگا حالات و بلوچ ناخلاف پالیسی تا وجہ غان لیاری نا ورناک و نودربرآ تون اھوار لیاری نہ لس مخلوق گینگ وار و ایلوسیل کاری تے آ تمانء ُ۔نودربر سیاست نا حوالہ ٹی لیاری نا ارزشت آن کسے انکار اف۔لیاری نہ تہٹی لیاری آن ابید مچا بلوچستان آن ورنا ودی مسون ء ُ۔وخت اس کہ لیاری سیاسی و ادبی حوالہ اَٹ مونا اننگ مریک گڈا دا ٹی بلوچستان نا لس مھلوک اھوار مریک و ورنا تاتیٹی بلوچ راج دوستی نا فکرودی مریک۔اندا وجہ غان اسے سازش سے نا وڑٹ سلاہ بند انگا کلچر لیاری آ اتننگ مریک دانکہ بلوچ راجددوستی نا سوچ و فکر لیاری نا زمین و مخلوق نا ذہین ان کشنگ مرے۔
مسٹمیکوسیمینار۔
بلوچ اسٹوڈنٹس ایکشن کمیٹی خضدار زون نا پارہ غان21 فروری 2019 ءَ International mother language day سر حال نازی آ سیمینار اس اڈتنگا۔دا دیوان نہ مہمان خاص ڈاکٹر لیاقت سنی بلوچ مریک و بلوچ اسٹوڈنٹس ایکشن کمیٹی نا چیرمین ڈاکٹر نواب بلوچ و مسکوہی آ چیرمین رشید کریم بلوچ دا دیوان ءَ ساڑی اَسُر۔اسپیکر اک دنیا نہ تہٹی جہانی زبان نا ارزشت و تینا جند نہ لُمی آ زبان براہوئی و بلوچی نہ کمی و کمزوری تے آ ایت کیریر۔بلوچ اسٹوڈنٹس ایکشن کمیٹی نا دننگا پروگرام آ تا اڈ تننگ نہ مول و مراد بلوچ ورنا ومخلوق نا تہٹی زبان تا ارزشت نا بارہ اَٹ سرپدی تننگ ءِ۔دنیا ٹی ارا راج تینا راجی زبان نہ ار زشت ءِ پو مفک گڈا و ترقی کننگ کپک ووخت تون اھوار دونگا قوم اک تاریخ ان گم و گار مریر ہ۔
چارمیکو سیمینار۔
بلوچ اسٹوڈنٹس ایکشن کمیٹی ڈیرہ غازی خان زون نا پارہ غان 21 فروری 2019 ءَ International mother language day نہ سر حال زیہا اسے سیمینار اس اڈتننگا۔اَرانا مہمان خاص بلوچی زبان نا پنی آ شاعر و نبشتہ کار اللہ بخش بزدار اس واوڑان ابید ایلو شاعر و ادبی آ بندغ اتون اھوار بازینگا مخلوق بخش الک و زبان ناا رزشت نا زی آ ایت کریر۔سپیکر اک ایت و گپ کرسٹ پاریر کہ زبان اسے قوم سے زندہ کیک۔زبان قوم نا بندغ آتے اسے جاگہ کیک و اوفتا نیام ٹی خڑکی و سیادی ودیک کیک۔اگہ اسے قوم سے اوفتا جند انا زبان متو گڑا و مُر مریسا کارہ اوفتا نیام ٹی نا اتفاقی ودی مریک۔
پنجمیکو سیمینار۔
بلوچ اسٹوڈنٹس ایکشن کیمیٹی کراچی زون نا پارہ غان ءَ26 فروری 2019 ءَRole and importance of social media for language development نہ سر حال نا زی آ اسے ورک شاپ اس اڑ تننگا۔دا دیوان نہ مہمان خاص جرنلسٹ و ادیب عابد میربلوچ،سیاسی کارکن وقاص عالم انگاریہ و مجاہد بلوچ اَسُرہ۔دیوان ٹی ساڑی مروکا مہمان آک سوشل میڈیا نا ارزشت و سوشل میڈیا نا ڈیولپمنٹ نا زی آ جوان ءُ وڑ اسٹ ایت کیریرو اینو نا ٹیکنالوجی نا دور اٹ سوشل میڈیا نہ ارزشت نا زی آ ایت کریر پاریر کہ اینو پاکستان نا وڑ و ملکسے ءَ الیکٹرانک و پرنٹ میڈیا نیستی نہ حساب ٹی ءِ۔دا وخت ءَ مخلوق نا خاطر کن اسے اندنوو میڈیا سے نا ضرورت ءِ کہ اوڑے مخلوق آذادی تون تینا ایت ءِ دنیا نا مونا تخننگ کے۔
ششمیکو سیمینار۔
4 مارچ 2019 ءَ کراچی ٹی بلوچ سٹوڈنٹس ایکشن کمیٹی نا پارہ غان Role of Balochi literature in the existence and progress of Baloch culture نہ سر حال نا زی آسیمینار اس اڈ تننگا۔دیوان نا مہمان خاص براہوئی زبان نا شاعر و نوشتہ کار بلوچستا ن یونیورسٹی نا براہوئی ڈیپارٹمنٹ نا پروفیسرڈاکٹر منظور بلوچ اس و اوفتون اھوار بلوچی اکیڈمی نا وائس چیئرمین رفیق بلوچ،ڈاکٹر رمضان مری،شرف شادوکراچی یونیورسٹی ٹی سندھی ڈیپارٹمنٹ نا چیئرمین ڈاکٹر رکمان گل پلاری،وائس چیئرمین غنی بلوچ دیوان نہ بشخ اسُر۔او بلوچی و براہوئی زبان و اوفتا ارزشت نہ بارہ اٹ ایت کریر و پاریر کہ اسے قوم اَسے زندہ مننگ کن اونا زبان نا زندہ مننگ باز اہمیت تخک۔اگا ں اسے راج سینازبان گم و گار مس گڑا اونا جند بی گم وگار مریک۔
ہفتمیکو سیمینار۔
5 جولائی 2019 ءَ بلوچ اسٹوڈنٹس ایکشن کمیٹی ڈیرہ غازی خان زون نا پارہ غان کیرہیر کونسلنگ نا زی آ اسے سیمینار اس اڈتنگا۔سیمینار ٹی ڈی جی خان نا زمہ دارا تون اھوار بازنگا استاد و ایجوکیشنلسٹ آک بشخ ارفیرہ۔دیوان ٹی بشخ الوکا نودربر آک کیرئیرکونسلنگ نا زی ءَ ایت کریرو پارہ کہ کیرئیر کونسلنگ اسے نودربر سے کن اخس ضروری ءِ و ارا ڈیپارٹمنٹ آن داخلہ النگ آن مست داسوچ خلے کہ او دا ڈیپارٹمنٹ آ انت کہ اِننگ خواہک دا نا خواننگ انتے ضروری ءِ۔ایت کروکا راہشون آک مونا اندا پاریر کہ داسکا ورنا تے کیرئیر کونسلنگ نہ بارہ ٹی سرپدی تننگ مفک کہ و اوفتے انت خوانوئیءِ۔کیرئیر کونسلنگ نا نہ مننگ نا سوب آن اینو پاکستان ٹی تعلیمی ادارہ غاتا دا حال ءِ۔
ھشتمیکو سیمینار۔
12 دسمبر 2019 ءَ بلوچ اسٹوڈنٹس ایکشن کمیٹی مرکز نا پارہ غان شال پریس کلب آ اسے سیمینار اس اڈتننگا۔سیمینار نہ سرحال“نودربر سیاست و اوفتا جیڑہ غاک ”اس۔دا سیمینار وائس چئیرپرسن ڈاکٹر صبیحہ بلوچ نا کماشی ٹی اڈ الک۔سر حال نا زی ءَ ایت کروکاتیٹی بی این پی نا مرکزی کمیٹی نا باسک حاجی لشکری رئیسانی،نیشنل پارٹی نا سیکریٹری جنرل جان محمد بلیدی،اے این پی نا صوبائی صدر اصغر خان اچکزئی،پروفیسر ڈاکٹر منظور بلوچ،بی ایس او نا مسکوئی آ چئیرمین،پاکستان نیشنل پارٹی نا سیکرٹری جنرل آصف بلوچ،این ڈی پینا مرکزی ڈپٹی آرگنائزر شاہ زیب بلوچ اسر۔دیوان ٹی ساڑی مروکا مہمان آک چاگرد نا ترقی و فکری ردوم ٹی نودربر سیاست نا ارزشت نازیہا ایت کریساپاریر کہ تعلیمی ادارہ غاتیٹی سیاست نا زی آ پابندی نہ واجہ غان اینو بلوچستان یونیورسٹی تون اھوار ایلو ادارہ غاک وڑ نا وڑنا مسئلہ تا آماچ مسونو ُ و بلوچ نودربر آتا تیٹی سیاسی سوچ ءِ academically ختم کننگ نا کوشست کننگ مننگ ءِ۔بازنگا وخت نودربر تا زی آ اعلانیہ و باز وخت غیر اعلانیہ سیاسی بندش خلنگانےُ۔داڑان ابید ایلو چنکا چنکا جیڑغاک دُنکہ فیس، ھاسٹل، یونیفارم و ایلو جیڑہ تیٹی پاسیفے نو تا۔اندا وجہ غان تعلیمی ادارہ غاک باز پد سلیسونو۔ ورنا ک سیاست آن مُری نا سوب آن تینا تعلیمی مسئلہ تہ زی آ اچ وڑ و administrative فیصلہ ارفننگ افس و تینا وڑ اٹ فیصلہ ارفننگ افس ا و ُ اندا وجہ غان یونیورسٹی سکینڈل نا وڑو شرمناک انگا واقعہ غاک مونا مریرہ۔ او مالی کرپشن تون اوار نودربر آتیکن ارفوکا فیصلہ تیٹی نودربر آتا اچ وڑ نارول اف۔داڑان اسے ایت ئس چائننگ مریک کہ سیاست آن مر مننگ آن تعلیمی ادارہ تون اھوار ایلو ادارہ غاک بھی سلیسونو و اچ ترقی کننگ افس۔اندا سیمینار نا ارٹمیکو بشخ ٹی اسے ٹیبل ڈسکشن اس مس اراٹی ڈاکٹر منظور بلوچ،ڈاکٹر دین محمد بزدار و ثناء بلوچ اسر ءَ و موڈیریٹر نہ زمہ دار غنی بلوچ اسک آ۔دا ٹیبل ڈسکشن ءَ سٹوڈنٹس پولیٹکس نہ بازینگا تک و پاناد آتا زی ءَ ایت کننگ آ۔
دلگوش: دا نوشتانک بلوچ اسٹوڈنٹس ایکشن کمیٹی نا تاک “نوشت” ٹی چھاپ مسونے۔
Baloch Students Action Committee is a Student political organization that aims to work for the betterment of Education in Balochistan and politicizing the youth
