کتابجہ (لائبریری) کیمپین
ادارہ
دا اسے راستی اسے کہ منہ وخت مست بلوچستان ٹی خواننگ نہ ماحول بے کساس نزوری آتا آماچ مسونے،اگہ کس ئس سرپدی تخانے یا سرپد مسونے گڑا امو ورنا ک و لس مخلوق اچ وڑ خواننگ نا جیڑہ غاتا زیہا سوچ بچار کتنے۔دُن ہم اف کہ کسے کس ئس سرپدی تختنے یاگامگیج ارفننگ نہ کوشش کتنے۔اگاں کس ئس سرپد مسونے گڑا و تعلیمی مسئلہ تا زی ءَ باقاعدگی تون کاریم کننگ نا جھد کتنے۔ادارہ جاتی کاریم اِچ وڑ متنے۔بلوچستان نا گورنمنٹ ام تینا زمہ واری تے پورو کتنے او نہ کہ اندن ءُ اکیڈمی ئس یا ادارہ ئس مونا بسونے کہ او دا حوالہ ٹی کاریم کے۔
سال 2017 ٹی بلوچ اسٹوڈنٹس ایکشن کمیٹی نا لیڈر شپ دا کمی ءِ محسوس کرے کہ بلوچستان نہ تہیٹی باز خونوک ءُ بندغ ارے ولے خواننگ نہ ماحول نہ مننگ نائے اندا خواننگ ناماحول و خواننگ جاہ نہ مننگ سوب آن ورناک خواننگ نا ماحول آن مُر مسونو۔دا کمی تہ وجہ غان بلوچ سٹوڈنٹس ایکشن کمیٹی اسے مضبوط ُ شکل اسے تون کتابجاہ یعنی لائبریری نا کیمپین ءِ شروع کرے،دا نہ بنیادی مسخت اندا اس کہ بلوچ ورنا تے خواننگ نا ماحول تون خڑک کننگ ءِ اوفتے کتاب و خواننگ نا اَسے ماحول اس تننگ مرے۔اندا کیمپین نہ خاطرکن بلوچ اسٹوڈنٹس ایکشن کمیٹی نا لیڈر شپ وڑ وڑانگا بندغ تون ملاقات کرے۔سیاسی،ادبی،سماجی شخصیت اتون ملاقات کرست وڑان پد کتابجاہ نہ ارزشت نہ ذی ءَ چونکو چونکو فلم جوڑ کرے۔ اندا کمپیئن ءِ Libraries for balochistan (لایبریریز فار بلوچستان) نا پن تِس۔
کتابجاہ کیمپین نہ بارہ ئٹی بی این پی نا ثناء بلوچ،حاجی لشکری رئیسانی،کلچر سیکریٹری ظفر بلیدی،ڈاکٹر شاہ محمد مری،ڈاکٹر منظور بلوچ،عابد میر بلوچستان یونیورسٹی نا وائس چانسلر جاوید اقبال،آغا گل،سنگت رفیق و صوبائی وزیر اعلی جام کمال و وزیر خزانہ ظہور بلیدی تون ملاقات کننگ آ۔
بلوچ اسٹوڈنٹس ایکشن کمیٹی نا 8 دسمبر 2017 بندات مروک ءَ دا کیمپین نا سب آن تینا کمک تینٹ مختلف خوانوکا جاگہ غا ہاسٹل آتیٹی لائبریری جوڑ کننگا دُنکہ شال ٹی سریاب ڈگری کالج نہ ھاسٹل ءَ صباء دشتیاری کتابجاہ،خضدار انجیئرنگ یونیورسٹی ٹی عبداللہ جان جمالدینی کتابجاہ،او تھل یونیورسٹی ھاسٹل ءَ یوسف عزیز مگسی کتابجاہ ءُ محمد حسین عنقاء کتابجاہ جوڑ کننگا۔کتابجاہ نہ کیمپین نہ اسے بنیادی مقصد دا بھی اس کہ سرجم انگا سریاب اٹی اسے کتابجاہ اس صوبائی گورنمنٹ نا پارہ غان جوڑ کننگ مرے۔انتیکہ سریاب نہ ورنا ک خواننگ کین بھاز پند خلسٹ بازار آ بریرہ۔
بلوچ سٹوڈنٹس ایکشن کمیٹی نا اندا کیمپین نہ واجہ غا صوبائی گورنمنٹ نا پارہ غان سریاب ڈگری کالج ٹی اسے ڈیجیٹل کتابجاہ اس جوڑ مننگے ء ُ یقینا دا کتاب جاہ اندا سال 2020 ءَ مکمل مریک۔بلوچ اسٹوڈنٹس ایکشن کمیٹی تینا اندہ کیمپین نہ خاطرکن نودربر تون ملاقات کرے و اوفتا اسے ویڈیو اس جوڑکرے و سوشل میڈیا ٹی ء libraries for Balochistan# تون اوار تننگ ءَ کہ ہر جاگا نہ مخلوق کتابجاہ نا ارزشت ءِ پوہ مرے۔دا کیمپین ءِ تیوی بلوچستان ءَ سر کننگ نہ خاطرکن بلوچ چاگرد نا تہٹی علم دوست انگا مھلوک تون تولینگ مسکہ اوفتے کتاب جاہ نا کمی نا حوالہ بریف کننگاکہ تا کہ او دا کیمپین ءِ جوان و وڑ اسٹ مونا دننگءَ ننا کمک ءِ کیر۔اندا خاطر آن آغا گل،شاہ محمد مری،منظور بلوچ،سنگت رفیق،بی ایس او نہ سابقہ چیرمین آصف بلوچ،و ثناء بلوچ تون اھوار ایلو علم دوست انگا بندغ تا ویڈیو جوڑ کننگا و سوشل میڈیا ءَ تننگا آ۔
اینو بلوچستان نہ ارا جاگہ آ بی کتابجاہ جوڑ کننگ مننگ ءِ و بلوچ مخلوک ناخاطر ءَ دا اسے بے مٹ و سرمایہ اسے دافتا وجہ غا او تیناخواننگ ءِ ذیادہ جوان کننگ کیرہ۔اندن کہ شال ءَ سریاب نہ ورنا خواننگ کن وختس قائد اعظم کتابجاہ اسکا پند خلکورہ،اندن سریاب ڈگری کالج نا ھاسٹل ناصباء دشتیاری کتابجاہ،خضدار ءَ عبداللہ جمالدینی کتابجاہ اوتھل نا ہاسٹل آ یوسف عزیز مگسی و محمد حسین عنقا کتاب جاہ او ایلو کتابجاہ تہ اڈ تننگ مسون ءُ دا کل بلوچ نودربر نہ خواننگ کن باز ارزانی پیدا کرین ء ُ۔
دا اسے راستی ئسے کہ اینو بلوچستان نہ ارا جگاہ ٹی بی کتابجاہ ئس جوڑ کننگ مننگ ءِ یا آواز چِست مننگے داٹی بلوچ سٹوڈنٹس ایکشن کمیٹی نہ کمپین نا بھاز بھلو عمل دخل ئس ارے ء ُ اندا نا سوب آن اینو ورنا ک کتابجاہ نہ ارزشت ان سرپد مننگ ءُ۔ اینو اندا کیمپین ان پد ناصر آباد کیچ آ ن الیس بلیدہ،گوادر،پنجگور، اوتھل و خضدار،نوشکی تون اوارشال نا بھاز انگا جاگہ آتیٹی کتاب جاہ جوڑ مننگے یا مختلف جاگہ آتیٹی ورناک تینا علاقہ آتا سرکاری کتاب جاہ ءِ فنکشنل کننگ کن آواز چست کننگ ء ُ یا مختلف جاگہ آتیٹی گورنمنٹ آن پوسکنو کتاب جاہ نا ڈیمانڈ کننگ ء ُ دا غُٹ بلوچ اسٹوڈنٹس ایکشن کمیٹی نا اندا کتاب جاہ کمپیئن نا بدولت آن کہ اینو ورناک دانا ارزشت و اہمیت ءِ سر پد مننگو۔ اندا ہی امید و ورناک تا کمک اٹ دا کتاب جاہ نا کمپین اندن مونی برجاہ مروئے تانکہ ہر جاگہ اَسے فنکنشنل ء ُ کتاب جاہ ئس جوڑ مفک۔
دلگوش: دا نوشتانک بلوچ اسٹوڈنٹس ایکشن کمیٹی نا تاک “نوشت” ٹی چھاپ مسونے۔
Baloch Students Action Committee is a Student political organization that aims to work for the betterment of Education in Balochistan and politicizing the youth
