مرکزی وائس چئیرپرسن سوراب زون نا دورہ اے کرے۔
بلوچ اسٹوڈنٹس ایکشن کمیٹی نا مرکزی وائس چئیر پرسن نا پارہ غان بلوچ اسٹوڈنٹس ایکشن کمیٹی سوراب زون نا دورہ کنینگ آ۔
ہندا رد ہٹ سوراب زون نا پارہ غان ہسے سرکل ہس اڈ تینینگا , سرکل نا سر حال مسٹمیکو دنیا نا طب آک(3rd world Psychology) ہس۔ سرکل ٹی تران کروک بیساک نا وائس چیرپرسن ڈاکٹر صبیحہ بلوچ اس۔
سرکل نا بندات ٹی ڈاکٹر صبیحہ لوظ “مسٹیمکو دنیا” نا باروٹ پارے کہ دا لوظ کولڈ وار نا پد نا حالیت آتا رد اٹ مونا بس، 3rd world ہمو ملک آتے پارنگک ہرا کہ cold war ہان پد نہ کہ سوشلسٹ بلاک تون ہوار مسور او نہ کن کیپٹلسٹ بلاک تون، ہندا ملک آک داسا قوزہ آن آسراتی ہلکو سور۔ ہندا ملک آتے ولدا سویت یونین نا پننگ نا پد اٹ developing countries پارنگا۔
ہندا ملک آتا طب آک قوزہ نا شیف آ ایلو مُچ دنیا آن بدل او۔ فرانز فینن ہندا ملک آتا کالونئیل سائیکولوجی نا زیہا لکک کہ قوزہ کروک نا طب نا دوان قوزہ مروکا قوم نا طب ہم مٹ مریک۔ دا طب نا مٹ منینگ شار و خلق(دیہات) نا بندغ آتیٹی جتا وڑٹ خننگ مریک۔ شہر والاک قوضہ کروک نا نوکری کنینگ مریرہ کس اس ڈرائیور، کس اس جمادار، کس اس دکاندار مریک ہندا خاطران او دا ہیت نا منوک مریرہ کہ قوضہ کروک ننا جوہانی کہ داڑے بسونے او ہندا نظام آن خوش مریرہ۔ ولے خلقی مخلوق (دیہات) والا بندغاک خوش مفہسہ، خوار آ بزغر آک نظام آن خر مریرہ، او دا کاوڑ اے تین پتین آ کشیرہ ، بزغر بز غر نا زینچخ ٹی ہلہک ، پنڈوخ پنڈوخ نا زینچخ آ دو شاغک، پوریا کروکاک پوریا کروکا نا زینچخ ٹی ہلہک، مچا دے نرینہ غاک پیشن کارم کیرہ ننکان بریرہ تینا زائیفہ غاتہ لٹ ایترہ اوفتیا تینا خارء کشیرہ۔ فینن پائیک دا تینا خار ء قوزہ گیر آ ہندا خاطران کشنگ کپسہ کے اوفتے سما اف اوفتا دا خواری تا زمہ وار قوزہ کروکائے۔ کوزہ مروکا تا ہندا زنچ کشکنگ نا باروٹ ء کوزہ کروک مخئسہ پائیک “ہُبّو نُم جاہل اورے، اوبو نم تین پتین اے خلیرے”۔ قوزہ مروکاک تینے جاہل پو مریرہ، او تپہسہ کہ اوفتا زنچک کشی ہندا قوزہ کروک نا وجہ غانے۔ فینن پائییک قوضہ کروک نا جند تون ہوار اونا طب آن آزاتی کن زوراکی اٹ جہد کروئی تمک۔
داڑتون ہوار جنگ ہم طب آتے مٹ کیک، ہمو راج کہ جنگ تون آختہ کرنگ مریرہ اوفتا طب ٹی تین پتین کن بے باوری، ملی نا ناجوڑیک، بدن نا ناجوڑیک غصہ کاوڑ او زوراکی وڑ او طب ہوار مریک۔
سرکل ء آسر کریسہ ڈاکٹر صبیحہ پارے کہ دا وڑ نا طب نا بدل کنینگ کن قوم آتے تحقیق کروئی اے او جہد اٹ ہوار مریسہ دا طب آتے آسر کوئی ارے۔
سرکل ہان پد مرکزی وائس چیئرپرسن، زون نا سنگت آتے تو آوار کالج نا دورہ اے کرے
او کالج نا پرنسپل تو دیوان کرے۔ دیوان ٹی کالج نا اسٹوڈنٹ آ تا جہیڑہ غاتا بابت گپ کنینگ آ۔
پرنسپل نا کنڈان چھُنا تے شعوری کارم تہ ٹی کمک کنینگ نا امیت تینینگ آ۔
Baloch Students Action Committee is a Student political organization that aims to work for the betterment of Education in Balochistan and politicizing the youth
