پروفیسر عزیز بگٹی کے ادبی خدمات کو خراج تحسین پیش کرنے کیلیے کوئٹہ میں سیمینار کا انعقاد کیا جائے گا۔
بلوچ اسٹوڈنٹس ایکشن کمیٹی
بلوچ اسٹوڈنٹس ایکشن کمیٹی کے مرکزی ترجمان نے اپنے جاری کردہ بیان میں پروفیسر عزیز بگٹی کو خراج عقیدت پیش کرتے ہوئے کہا کہ عہد حاضر میں بطور ادیب اور تاریخ دان پروفیسر عزیز بگٹی کے خدمات قابل ستائش ہیں۔پروفیسر عزیز بگٹی کے قابل قدر خدمات کو خراج عقیدت پیش کرنے کیلیے جون میں کوئٹہ میں سیمینار کا انعقاد کیا جائے گا۔
انھوں نے کہا کسی بھی قوم اور سماج میں ادیب اور مورخین کا ایک اہم کردار ہوتا ہے جو سماج میں پائے جانے والے تمام نقاص کا ادراک اور حل کیلیے راہیں متعین کرتی ہیں۔ قوموں کی تاریخ میں مورخین کلیدی کردار کے حامل ہوتے ہیں کیونکہ آج کے مورخوں کی قلم اور روشنائی ایک ایسی ذمہ داری کا حامل ہوتی ہے جو مستقبل کے نسلوں کو ماضی سے آشنا کرکے قومی ترقی کیلیے نئے راہوں کا متلاشی بنا دیتا ہے۔ یہ حقیقت روز روشن کی طرح عیاں ہے کہ جن اقوام نے خود کے قلم سے اپنی تاریخ کو حتمی شکل نہیں دی تو ایسے اقوام کی تاریخ دیگر افراد کے رحم و کرم پر ہوئی جنھوں نے اقوام کی تاریخ کو مسخ کر کے ایک ایسی شکل دی ہے کہ آج تک وہی اقوام شناختی بحران کا شکار ہیں۔
انھوں نے مزید کہا کہ ترقی پذیر دنیا میں ادیب کو سماج کے معالج کے طور پر گردانا جاتا ہے جو سماج میں پائے جانے والے رجعتی رجحانات کی تشخیص اور سماج کیلیے نئی اور ترقی پسند راہیں متعین کرتا ہے۔ بلوچ قوم آج تاریخ کے ایسے مقام پر کھڑی ہے جہاں ادیب اور مورخوں کی ذمہ داریاں آئے روز بڑھتی جا رہی ہیں وہیں پروفیسر عزیر بگٹی اور دیگر دانشوران نے اپنی ذٰمہ داریوں کا ادراک کرتے ہوئے انھیں پورا کرنے کی مکمل کوشش کی ہے۔ پروفیسر عزیز بگٹی نے خود کے خیالات اور قومی تاریخ کو لفظوں میں پرو کر نئی نسل کیلیے محفوظ کیے اور آج بھی نوجوان نسل اُن کے خیالات سے مستفید ہو رہے ہیں۔
اپنے بیان کے آخر میں انھوں نے کہا کہ پروفیسر عزیزبگٹی نے زمانہ طالبعلمی میں سیاست سے لیکر ادب تک خود کے تمام قومی ذمہ داریوں کو تسلسل کے ساتھ انجام دیا ہے۔ بلوچ قوم کیلیے اُن کی ادبی جدوجہد قابل ستائش اور قابل قدر ہے. اُن کے ادبی خدمات کو خراج تحسین پیش کرنے کیلیے تنظیم کی جانب سے اگلے ماہ جون میں کوئٹہ میں ایک سیمینار کا انعقاد کیا جائے گا۔
Baloch Students Action Committee is a Student political organization that aims to work for the betterment of Education in Balochistan and politicizing the youth
