بلوچ اسٹوڈنٹس ایکشن کمیٹی تربت ھنکینءِ دومی نوشت اسٹڈی سرکل
بلوچ اسٹونٹس ایکشن کمیٹی تربت ھنکین ءِ سنگتاں ھنکینی کارمستر سعید بلوچ ءِ چیر دستی ءَ ھنکینی دومی نوشت اسٹڈی سرکل 14 جولائی 2021ءَ برجم دارگ بوتگ۔
دیوانءِ بنگپ تاک نوشتءِ نبشتانک “سیاست ءُ سیاسی ورکر ءِ زمہ واری” بوتگ۔ اے نبشتانکءِسرا مصدق بلوچءَ گپ ءُ تران کتگ۔
درْستان چہ پیش آئی ءَ سیاست سرا تران کنان ءَ گُشت کہ سیاست چاگرد ءِ تہے جیڑھانی سرا گپ کنگ ءُ پدا ھمے جیڈھانی گیِش ءُ گیوار کنگ ءِ ھاتر ءَ جہد کنگ ءَ گُشنت۔
سیاست فردی ءُ اجتمائی ھر دو شکلاں بوت کنت چونھا فرداَنت کہ اجتماعی شکلءَ دیم ءَ کاینت ءُ چاگردی جیڑہ ھم چہ چاگردءِ یک یک گسےءَ چہ دیم ءَ کاینت ءُ اجتماعی جیڑہ جوڑ بنت۔مروچی چاگردانی مردم اجتماعی صورت ءَ جتاجتائیں لیکہ آنی بنیات ءَ سیاسی اداراھانی شکل ءَ یکجاہ اَنت ءُ وتی چاگردانی دیمروئی ءِ ھاترا جتائیں دروشماں جد ءُ جہد کنگءَاَنت۔
سرھال سرا گپ کنان ءُ دیمترا ادارہ ءُ اداراہ چون ٹہ انت۔
اداراہ یک پراگرامے ءِ سرا فردانی یک لیکہ یے بنیاتءَ یکجاھیں شکل ءُ دروشمے۔پہ یک اداراھے ٹہگ ءِ اولی شرط ایش اِنت کہ آئی گوارا بنجاھی لیکہ یے بیت۔
ھمک ادارہ پہ وتی بنجاھی پروگرام ءِ دیم ءَ برگ ءِ ھاترا یک اداراھی ڈھانچہ یے جوڑ کنت اگاں یک کسے وتی اداراہ ءُآئیءِ پروگرامانی دیم ءَ وتی زات ءَ کشت مہ کنت گڈا آ کس پہ وتی اداراہ ءِ پروگراماں پائیدگ مند بوت نہ کنت۔
اداراہانی تہا تنقیدءُتران یک بلاھیں ارزشت بیت پرچہ کہ ہمیشانی سببءَ اداراہ مضبوط بنت۔
باسکانی جُست ءُ پرساں رند دیوان ھلاس کنگءِ جار جنگ بیتگ.
Baloch Students Action Committee is a Student political organization that aims to work for the betterment of Education in Balochistan and politicizing the youth
