بلوچ اسٹوڈنٹس ایکشن کمیٹی۔گریشہ بنزہ نیمگءَ چہ دومی ” نوشت ” وانگی ء دیوان 25/07/21 ء یونٹ صدر عرفان نواز بلوچ ء پاگواجی اڈ دیگ بوتگ۔
دیوان ءسرحال پروفیسر غمخوار حیات ء نبشتانک “Leader Ship ” راہشون امر مرے”بوتگ۔
دیوان ء تران کنوک سنگت کریم عالم بلوچ ھنکینی کماش بوتگ۔
دیوان ء بندات ء درستان ساری راہشون لفظ جوانیں وڈیں ء وضاحت کتگ ۔ایشی پد راہشون چے اے ؟، راہشون امر مریک؟ ایشی سراء سنگتاں شریں رنگاں گپ و تران کتگ کہ راہشون ء قابلیت ہر کجام مردم ء تہا است انت؟
راہشون ء انگریزی آء”Leader” گش انت۔
دیوان ء تہا
سنگت ءَ تران کنان ءَ گُشت کہ رہبر یک راج، ادارہ ءُ کمپنی ءِ رہشونی کنوکءَ گوْشنت. ءُ رہبری بِزاں لیڈرشپ رہبر ءِ کار ءُ کرد رویہ ءُ پیلو کنوکانی سرءَ آہی ءِ اثراتءَ گوْشنت.
رہشونی واستہ ویژن ءُ میشن دوئیں المّی اَنت. وژن گوْشنت یک مکسد ئے ھاترءَ جیڑئگ. ءُ میشن گوْشنت یک مکسد یا کار ئے کنئگءِ ھاترءَ درست لازمی چیزاں زیرئگ ءُ جُہد کنئگ ءُ سرجم کنئگ.
رہشونی واستہ برداشت ءُ اوپار، سیاسی سنچ، رویہ، زہانت ءُ ایدگہ رہشونی کردانی بیئگ لازم اِنت. آہیءَ گوں سجیں باسکاں رابطہ کاری ءِ رِپک ءُ ھُنر زانئگی اَنت. آہیءَ شرگداری(تنقید) سگئگی اَنت ءُ وتی ردیانی شر کنئگ لازمی اِنت.
جوانیں رہشون ہما اِنت کہ وتی بے نپ ءُ پائدہءَ پہ گَلءَ کار کنت ءُ کربانی دنت. پیسلہ ءِ وھدءَ تچکیں پیسلہ دنت ءُ باسکانی رہشونی ءَ کنت. وتی پیسلہ ءِ سرءَ اوشتیت ءُ کاراں دیما بارت. آہی ءَ بُرز ھیال بئیگی اِنت، وتی تہا کست ءُ کینگ دارئگی نہ اِنت. ہرچ سنگت ءَ یک ھساب چارئگی اِنت ءُ نِزوریں سنگتاں پہ دیمءَ آئیگءَ سکین دیئگی اِنت.
دیوان ء تہا دیم تراء یک رہشون ء Vision ء دگہ Mission کلئیر بوھگ المی انت۔انچو کہ دگنیا ء تہا جوانیں لیڈر بوتگان نیلسن منڈیلا،مہاتما گاندھی ایشی ابید دگہ باز بوتگان کہ آوان وتی قوم و ملک ء سوبمند کنگ ء واستا جہد کتا ء۔
سنگتاں ء تران کنان گشت کہ یک لیڈر ء تہا ء خودنمائی ء زہر ختم کنگی انت ۔یک لیڈر ء تہا انصاف پسندی ،قوت ء فیصلہ و دگہ اخلاقی جرآت بوھگ سک ضروری انت۔
دیوان ء آخرا سوال و جواب ء سیشن پد ھلاس بوت۔
بلوچ اسٹوڈنٹس ایکشن کمیٹی گریشہ یونٹ
Baloch Students Action Committee is a Student political organization that aims to work for the betterment of Education in Balochistan and politicizing the youth
