بلوچ اسٹوڈنٹس ایکشن کمیٹی کراچی یونیورسٹی یونٹ ءِ نیمگءَ چہ یک تربیتی دیوان ئِے برجم دارگ بوت کہ آئی ءِ سرھال ” بلوچستان ءِ گوں اوگانستانءَ زمینی ءُ سیاسی سیادی یے گوستانک ” اَت- اے سرھال سرا حنیف دلمراد ءَ تران کُت-
حنیفءَ بنگیج کنان ءَ گُشت کہ اگاں ما گوستءَ بچاریں گڈا اے ریجن تہا بلوچ مارا یک منظم ایں طاقتے ءِ رنگ ءَ گندگ کئیت کہ آ یک مزنیں زمینے ءِ واھند بوتگ ءُ بلوچستان ءِ اوگانستان ءَ گوں سیاسی سیادی 1741 ءَ بندات بنت وھدے کہ خان آف کلات نصیر خان نوری گوں اوگان حکمران احمد شاہ ابدالی ءَ معاہدہے کنت- معاہدہ ردا اگاں بلوچ زمین ءِ سرا ڈنی حملہ آوار ءِ اُرش کنت گڈا اوگان بلوچ زمین ءِ پہازگ ءِ ھاترا ھرچ وڈیں کُمک کن اَنت ءُ ھمے وڈا بلوچ ھم اوگان ءَ کُمک کنت- اے دوئیں ریاست وتئ توکی معاملات آں آزاد بنت ءُ اوگان ءَ گوں بلوچ تاریخی علاقہ آں کار نیست ھمے وڈا بلوچ اوگانانی تاریخی علاقہ آں دزمانجنی نہ کنت-
اے دور ءَ یورپ ءِ تہا مزنیں چِست ءُ ایرے بیت ءُ بازیں بدلی کئیت ءُ اے ھما دور اِنت کہ یورپین طاقت تجارت (Trade) ءِ صورتءَ South Asia تہا وتئ پاداں ایر کنت ءُ ھر یک طاقت ءِ وتئ کالونی آں گیش کنگ ءِ جہد ءَ بیت نوزدھمی کرن ءَ دنیا ءِ مزنیں قوت وتئ چمّاں بلوچستان ءِ سرا ایر کن اَنت ءُ برطانیہ وتئ کالونیانی پہازگ ءُ روس ءِ پیش قدمی یے دارگ واستہ وتئ جاسوس آں اوگان ءُ بلوچ زمین سرا دیم دنت ءُ 1839 ءَ برطانیہ قلات سرا اُرش کنت ءُ قلات باقاعدہ برطانیہ ئے قبضہءَ کئیت-
قبضہ ءَ پد 1854 بگر داں 1894 ءَ برطانیہ مختلف ایں معاہدیانی بنیادءَ بلوچ ءُ اوغان ءِ تاریخی زمین ءَ تقسیم کنت کہ روس ءُ فرانس ءِ پیش قدمیءَ داشت بہ کنت-
ھنیف وتئ گپاں دیما بارت ءُ گُشیت کہ اے درستیں Territorial Disputes آنی پیداک کنگ ءَ پد بازیں تحریک چست بنت ءُ اے دورانءَ اوگانستانءَ لہتے انچیں حکمران کئیت کہ اوگان کلچر ءَ westernize کنگ ئے جہد ءَ کن اَنت ءُ اے کمیونسٹ انقلابءَ چہ اثر زور اَنت اوگانستاننءَ بازیں بدلی آرگ ءَ یک ھدّے ءَ سوبمند بنت –
1979 ءَ وھدے ریڈ آرمی کیت ءُ اوغان ءَ Russian Block ءِ اثر بیت گڈا Russian Blockءِ ھلاپءَ دگہ یک مزنیں قوت بزاں مجاھدین اوشتارینگ بنت کہ اے 15 گروپءِ تہا بنت ءُ چہ مختلف ءِ ملک آں آپریٹ کنگ بنت– ریڈ آرمی ءِ درآیگ ءَ پد مجاھدین عبوری حکومت ءِ جوڈ کن اَنت ءُ وت مہ وتئ جنگءَ کپ اَنت ءُ الیکشن کت نہ کن اَنت ھمے وت مہ وتئ جنگ ءُ اختلاف ءِ صورتءَ یک نوکیں چیزے طالبانءِ صورتءَ دیمءَ کیت
تالبان وھدے کہ مجاھدین آں شکست دیاں ءُ حکومتءِ جوڈ کناں گڈا اے ھم اوغان مھلوکءَ ھچ دات نہ کناں ءُ پنچ سالءَ پد 9/11 ءِ واقعہ بیت ءُ اے واقع پد امریکہ ءُ اے دگہ ملکانی فوج کیت ءُ اوگانستان ءَ ٹیک اوور کننت داں 2020 ءَ – اے درستیں ھالات آں چہ بلوچستان ھم اثر زوریت ءُ بلوچستان ءَ Demograpic Change کئیت داں روچ مروچی اے یک مزنیں جیڑھئے دروشم ءَ مارا گندگءَ کئیت ایں۔ دیمترا جست ءُ پسّہی بہر ءَ دیوان ءَ ساڑی ایں سنگتاں وتئی جست ایر کُت اَنت ءُ حنیف دلمراد ءَ آیانی جواب دات اَنت ءُ پدا دیوان ءِ ھلاسی ءِ جار جنگ بوت-
Baloch Students Action Committee is a Student political organization that aims to work for the betterment of Education in Balochistan and politicizing the youth
