بلوچ اسٹوڈنٹس ایکشن کمیٹی کراچی یونیورسٹی یونٹ ءِ تربیتی دیوان شیہک بلوچ ءِ سروکی ءَ برجم دارگ بوت
تران کنوک: بنجاھی کمک کماش سنگت شبیر بلوچ
سرھال: غیر مقدس جنگیں
سنگت ءَ دیوان ءِ بندات ءَ افغان جنگ ءِ سرا تران کنان ءَ گشت کہ افغانسان ھما زمین اِنت کہ دنیا ءِ مزنیں تاگتاں مدام وتئی ستّانی ہاترا کارمرز کتگ، انچو کہ برطانیہ ءَ نوزدہمی کرن ءَ وتئی کالونیانی رکینگ ءِ ہاترا کامرز کتگ۔ او انچو ما گندیں کہ سویت یونین ءِ وھد ءَ “کمیونسٹ انکلاب” کہ وتئی زوراں بیت گڑا دنیا ءِ مزنیں سرمایہ درایں استاناں وتئی سرمایہ ءُ سرمایہ داری پگر ءِ رکینگ ءِ ھاترا سویت یونین ءِ ھلاپ ءَ اسلامی استانانی ءُ اسلامک مردماناں اے باور کنائینت کہ کمیونسٹ اسلام ءِ دژمن اَنت اے شمئے دین ءَ ھلاس کن اَنت اِشانی ھلاپ ءَ جہاد کنگی اِنت، 1970 ءِ وھد ءَ سعودی ءُ امریکہ ءِ سیادی ھم مہکم بیت او سعودی ھم اسلامک گل آں کمک کنت سویت ءِ ھلاپ ءَ ۔ سنگت ءَ دیمترا گشت کہ انچو سویت ءِ ھلاپ ءَ ما گندیں مجاید جوڑ کنگ بوت دیمترا اے پدا تالبان ءِ رنگ ءَ دیم ءَ اتک اَنت ایشانی مالی کمک کنوک سعودی اَت ءُ “human resource” چہ پاکستان ءَ تیار کنگ بوت اَنت ۔ سنگت ءَ گشت کہ دنیا ءِ زورآوریں استان وتئی “interest” ءِ ھاترا ھرچی کن اَنت چو کہ امریکہ، فرانس،برطانیہ ءُ جرمنی۔ اسلامک جہاد ءَ نوکیں دروشمے دینت شعیہ ءُ سنی ءِ نام ءَ فرقہ وارانہ جنگے بندات کن اَنت ایران ءِ سعیہ گوریلہ گل آنی پروش دیگ ءِ ھاترا عراق ءِ جہادی گروپ آں جنگی ساز ءُ سامانانی کمک ءَ کن اَنت۔ سنگت ءَ دیمترا تران کنان اسلامک گل آنی نیام ءِ تپاوت گشینت اَنت چو کہ القاہدہ ءِ نظریہ گشیت کہ سرجمیں دنیا اسلامی رھبند ءِ ھساب ءَ بہ بیت ءُ تالبانانی لوٹ بوتگ کہ بس اوگانسان ھمے داب ءَ بہ بیت سنگت ءَ 9/11 ءِ جنگ ءَ سرا تران کنان ءَ گشت کہ ٹریڈ سنٹر ءِ سرا ارش ءَ پد اوگانستان نا بلکیں سرجمیں دنیا ءِ سیاست بدل بیت ءُ امریکہ کئیت اوگانستان ءَ ارش کنت ءُ بازیں مہلوک ئِے مریت یک رندئے پدا اوگانسان ءِ مہلوک لڈ ءُ بار کنگ ءَ مجبور بیت۔ سنگت ءَ دیمتر ءَ گشت کہ دنیا ءِ گیشتریں ملکاں امریکی استان ءِ ایردستیں قومی جنزانی کمک نہ کُتگ انچو کہ پہ درور ویتنام ءِ سرا امریکہ چنچو زلم کنت بلئے پہ آئی کمک ءَ ھچ استان نہ اوشتیت بلئے ویتنام ءِ مہلوک وتئی جزبہ، حوصلہ ءُ دلیری ءَ گوں دژمن ءِ دیم ءَ داریت، اے امریککی سُپر میسی ءِ یک مثالے۔
سنگت ءَ اوگانسان ءِ مرچیگیں جاورانی سرا تران کنان ءَ گشت کہ مرچگیں وھد ءَ اگاں ما بچاریں چو زوتاں تالبانانی دیم آیگ ءُ کابل ءِ قبضہ کنگ بازیں سوال ودی کنت چو کہ تالباناں 2015 ءَ ھم اے گشتگ کہ مئے دومی ٹارگٹ چین بیت ءُ مرچی ما بچاریں نوں پدا چین ءِ کش ءُ کِراں قبائلی جہادیاں پدا سر چست کتگ سنگت ءِ گشگ اَت کہ امریکہ ءِ مول ءُ مراد اے ھنداں “civil war” ئِے ءِ بندات کنگ اِنت ۔ سنگت ءَ تران کنان ءَ گشت کہ مرچی اے جاورانی بدلی بلوچستان ءِ سرا اثر دور دنت انچو کہ ما گندیں اوگانسان ءَ چہ لڈ ءُ بار کتگیں مہلوک گیشتر بلوچستان ءَ جاگہ دیگ بوگ ءَ ایں ءُ بلوچستان ءَ بلوچ علاقہاں “diversity” پیداک بیت انچو کہ ما شال ءَ مرچی بچاریں بلوچ مہلوک “minority” ءِ تہ ءَ بدل کتگ ءُ اے جاورانی توان اوگان ءَ نشتگیں بلوچانی سرا ھم کپ اَنت۔ انچو کہ ما سرپدیں بلوچ یک “secular” چاگردے ءِ واھند اِنت اے جاور بلوچ مہلوک ءِ تب ءُ لوٹاں بدل کنت ءُ اے زہنیت بلوچ ءَ وت ما وتئی جنگ ءِ نیمگ ءَ برت کنت۔ گڈسر ءَ دیوان ءَ ساڑی ئیں سنگتاں وتئی جست ایر کت اَنت سنگت ءَ آیانی پسّو دات اَنت دیمتر ءَ دیوان ءِ منت گرگ بیت ءُ بنزہ کارگُشاد ءَ دیوان ءِ ھلاسی ءِ جار جت
Baloch Students Action Committee is a Student political organization that aims to work for the betterment of Education in Balochistan and politicizing the youth
