گوں گسن کنپانیءَ گُلگدارے
رجانکار۔ عباس حسن
اے نیاد ماں بیروٹءَ 1970ءَ رچرڈ کارلوٹنءَ اڑ داتگ اَت
کنپانی پاؤلر فرنٹ فار دی لبریشن آف فالسٹائنءِ شریں اگدہ دارے بیتگ۔ آ بازیں کتابانی ھم واھند بیتگ، چوشکہ “روچءِتہءِ مردم” ءُ دگہ بازینے پہ وانوکاں اِشتگ۔.8جولائی 1972ءَ سی ءُ شش امرءِ تھا ماں بیروٹءَ شہید کنگ بوت.آچہ بیروٹءِ نیمگءَ پاؤلر پرنٹ فار دی لبریشن آف فالسٹائنءِ ترانکارے اَت۔ بن ءُ بیھءَ جنگ ءُ داوا فالسٹائن لبریشن آرگنائزیشن یاسر عرفاتءِسرمستری ءِ چیردستی ءُ جورڈینین آرمڈ فورسز حسینءِ سروکیءِ میانءَ بیتگ اَت۔ چوناھا پی ایف ال ایف زیات گوں دیمروی کرتگیں لیکہ سیکولر، مارکسٹ-لیننسٹ ءُ گوں آشوبی نیتاں جنگءَ ھوار اَت انت.
دلگوش: نوشتہ کارءَ گلگدارءِ توکءَ ھچ رنگیں معیار ءُ دِراجکشیءِ ھیال نہ داشتگ ابیدءچندے بن رھبندءِ ردیانی کشگءَ ،چوشکہ ترانکارءِ جند ہندی مردمے نہ بیتگ، پمیشکہ کم ءُ باز بن رھبندءِ ھیال ئےِ نہ داشتگ بس زلورتءِ ھسابءَ نکانءِ گالرد ئےِ گیشینتگ اَنت.
جست کنوک: بیروٹءَ پاولر پرنٹءِ رھشون(پی ایف ال ایف، پاولر پرنٹ فار دی لبریشن آف فالسٹائن) گسن کنپانی اِنت۔ آ فلسطینءَ ودی بیتگ بلئے 1948ءَ چہ زیونسٹ نشرکاریءِ تاڑ ءُ تیلانکءِ سوبءَ دراندست بیت. چہ ھما روچءَ پد زیونسٹ ءُ ریکشنری تازیانی پروشکاریءَ یکشلءَ گون انت۔؟
گ۔ کنپانی: داں انچکءَ کہ من سرپدآں دنیاءِ بندپتر نادسترسیں مھلوکءِ بندپتر اِنت کہ مدام گوں زورآوریں مھلوکءَ جنگ دیگءَ انت. نادسترسیں مھلوکءَ ھک ءُ ھلاریں اڑاندے پادءَ انت ءُ گوں زورآوریں مھلوکءَ جنگءَ اِنت ھما کہ آھانی جوھرءَ پہ پلگءِ ھاترءَ کارمرزیت اش.
جست کنوک: جنگءَمانترے اتکگ کہ انوگیں ھپتگاں جورڈنءِ ابیلءَ یکوئی ترگءَ اِنت۔ شمئے گلءَ یک نیمگےءَ وتی جنگ داشتگ، چے سوبمندی رَستگ؟
گ۔ کنپانی: یک چیزے داتگ ئےِ کہ ما ھمے جیڑہءِ ھاترءَ جنگ بہ کن اِیں۔ اے پہ مئے واستہ بلاھیں گنیمتے. فلسطینی مھلوک مرگءِ گورامبازگءَ دلے دینت چریشیءَ کہ وتی مکسدءَ چہ پدکنز بہ بنت۔ مئے سوبمندی چے بیتگ! مئے سوبمندی ھمے بیتگ کہ ما پیش دارگءَ اِیں کہ بادشاہ رَد اِنت۔ مئے سوبمندی ھمے بیتگ کہ ما پیشدارگءَ اِیں کہ اے پدریچ داں گڈی مِنزلءَ وتی جنگءَ برجاہ دار اِیت۔ مئے سوبمندی ھمے بیتگ کہ مئے مھلوکءَ ھچبر پروش وارت کرت نہ کرتگ۔ مئے سوبمندی ھمے بیتگ کہ ما دنیاءِ ھر مردمےءَ را ھمے باور کنائینگءَ اِیں کہ ما کسانیں دلیریں راجے اِیں کہ ما داں ھونءِ گڈی ترمپءَ وتی جنگءَ برجاہ دار اِیں۔ما وت راستیءَ باور کنائین ایں داں دنیا مئے ھکءِ دیگءَ رازیگ بہ بیت۔ چد ءُ مستریں سوبمندی چے بہ بیت۔
جست کنوک: اے جنگءِ چھرگءَ جنت، وت ماں وتی جنگ بے کساس بے سیت انت.
گ۔کنپانی: (آئیءَ زھرناکی گپءِ تھا دور کرت) اے وت ماں وتی جنگے نہ انت۔ اے مھلوکءِ جھدے، گوں سرکارءَ کہ تو ایشیءِ پلہ مرزیءَ ئے، بس پمیشکہ کہ بادشاہ حسینءَ تازی پاسپورٹے گون اِنت۔ اے وت ماں وتی جنگے نہ انت۔
جست کنوک: یا وَ پساتے؟
گ۔کنپانی:نہ کہ اے پَساتے۔ اے آزاتیءِ جنزے پہ ھکءِ ھاترءَ جنگ بوگءَ اِنت۔
جست کنوک: شر، ھرچی انت، بلئے ایش انت ناں۔۔۔۔۔۔
گ۔کنپانی: (پدا گوں زھرناکی دور ئےِ کرت) اے پہ وت ءُ دیمے نہ یے۔ پرچا کہ چریشیءَ چہ جیڑہ بندات بنت۔ ھمے جستانی ھاترا تو منی سرءَ میلانک ئے۔ چریشیءَ چہ اسل جیڑہءِ جند بندات بیت۔ اے ھمے مھلوک انت کہ بھر ءُ بانگ کنگ بیتگ، نوں وتی ھکءِ واستہ جنگءَ انت۔ اے وَ ھما گپ انت کہ ھرچی کِش ئے ھما چیزءِ مزءَ وَر ئے۔ اگاں تو بہ گش ئے کہ اے وت ماں وتی جنگے گڑا تئی جستءِ جند گیشوار بیت. اگاں تو بہ گش ئے کہ اے پساتے گڑا الم اے بہمانگی گپے کہ چے بوگءَ اِنت.
جست کنوک: چیءِ واستہ شمے گل اسرائیلی آں گوں ایمنی گپّ ءُ رپّے نہ جنت۔ ؟
گ۔ کنپانی: مُردنی تئی متلب اسلءَ ایمنیءِ باوست نہ انت، تئی متلب سرجھلی، تئی متلب دست بُرزادی۔
جست کنوک: چیءَ گپ نہ جن اِت گوں۔؟
گ۔ کنپانی: گپ کئی گومابہ جن اِیں۔؟
جست کنوک: اسرائیلی رھشونانی گوما سهل ءُ تران بہ کن اِت۔
گ۔ کنپانی: تئی متلب انت ما زھم ءُ گردنءِ سوداءَ بہ جن اِیں۔!
جست کنوک: اگاں اے کوٹیءِ تھا زھم ءُ توپک مہ بیت، شما انگت وتی گپءَ ایر کرت کن اِت۔؟
گ۔ کنپانی: اناں. من ھچبر زورگیرءِ جیڑہءِ نیامءُ سھل ءُ تران نہ دیستگ ءُ پدا راجی آزاتی جنزےءِ تھا چد ءُ گنتر۔
جست کنوک: بلئے چریشیءَ ابید چیءَ سھل ءُ تران نہ کن اِت گوں۔؟
گ۔ کنپانی: چیءِ واستہ سھل ءُ تران۔؟
جست کنوک: جنگ بندیءِ هاترءَ سھل ءُ تران۔
گ۔کنپانی: جنگ بندی چیءِ واستہ۔؟
جست کنوک: ھر ھسابءَ جنگ بندی، جیڑھے نہ یے کہ چیءِ واستہ۔
گ۔کنپانی: مھلوک کہ گیشتر جنگ کن اَنت گڑا الم چیزےءِ واستہ ءُ آ جنگءَ دار اَنت ھم پہ چیزےءِ ھاترءَ۔ گڑا تو منءَ گشت کرت نہ کن ئے بلئے ما پرچا سھل ءُ تران بہ کن اِیں ءُ چیءِ واستا۔ یا جنگ کجام ترانےءِ واستا دارگ بہ بیت۔ ءُ پرچا ما۔۔؟
جست کنوک: سھل ءُ تران جنگ بندیءِ ھاترا اِنت، کشت ءُ کشارءِ ءُ نشرکاریءِ بد ءُ بیرانیءِ ڈکھءِ ھاترءَ.
گ۔کنپانی: کئی کشت ءُ کشاری، کئی نشرکاری، کئی بد ءُ بیرانیءُ کئی ڈکھ۔؟
جست کنوک: فلسطینی آنی، اسرائیلی آنی، تازی آنی۔
گ.کنپانی: ھما فلسطینی مھلوک کہ ولگوج کنگ بوتگ ات انت، زنداناں بندیگ کنگ بوتگ ات انت، مرگ ءُ زندءِ میانءَ زندگ انت، بیست سال انت کہ کشگ بیتگ انت ءُ فلسطینءِ نامءِ گرگءَ مکن کنگ بیتگ انت۔؟
جست کنوک: گڑا شر اِنت کہ جنگ بند کنگ بہ بیت، کشت ءُ کشار بند کنگ بہ بیت۔
گ۔کنپانی: بہ گندئے تئی واستہ، مئے واستہ اناں۔ مئے واستہ ملکءِ آزاتی، ازت ءُ ننگ، مئے ھلاریں بنی آدمءِ ھکانی گرگ؛ اے انچوش المی اَنت چو کہ زندءِ جند۔
جست کنوک: تئی نزءَ بادشاہ حسین زوراکیں بادشاھے۔ تازی رھشونانی تھا کجام کجام انت کہ آھاں تو سراں داں پاداں نہ من ئے۔؟
گ. کنپانی: مئے نزءَ تازی سرکار دو رنگءَ انت۔ یکے وَ ھما انت کہ آھاں ریکشنریز گشگ بیت، کہ آ یکپارگی گوں زورگیراں ھمکوپگ انت، چوشکہ بادشاہ حسین، چوشکہ سعودی عرب سرکار، موروکن سرکار ءُ تنیسین سرکار ھوار انت۔ ءُ پدا ما چندے عرب سرکار دومی پلوءَ ایں کہ ایشیءَ ما جھلی تبکءِ سنگین سالار گوش اِیں، انچو ش کہ، شام، عراق، مصر، الجیریا ءُ دگہ باز۔
جست کنوک: بس گڈیءَ منءَ موہ بہ دئے کہ بالی گرابانی نندارینگ ءُ برگ ءِ۔ نوں تئی دلءَ اے ردی یے بوتگ۔؟.گ۔کنپانی: ماھچبر نندارینگءُ برگءَ پہ ردی نہ کرتگ۔ آھاں گوں ما سھلے کرت۔ ما چریشیءَ چہ دستءَ گوں شریں کارے کرت کہ ھچبر نہ کرتگ اَت۔
Baloch Students Action Committee is a Student political organization that aims to work for the betterment of Education in Balochistan and politicizing the youth
